21.03.2025 | 10:21
Անցած գիշեր ձյան առատ տեղումներ են դիտվել Լոռու մարզում․ ձյան ծածկի բարձրությունը՝ 20-30 սմ
Ուոլցը հայտնել է Ուշակովի հետ զրույցի և Սաուդյան Արաբիայում ՌԴ-ԱՄՆ առաջիկա հանդիպման մասին
Քաղաքականություն
19.03.2025 | 21:13
ԱՄՆ նախագահ Դոնալդ Թրամփի Ազգային անվտանգության հարցերով խորհրդական Մայքլ Ուոլցը հայտնել է, որ հեռախոսազրույց է ունեցել ՌԴ նախագահ Վլադիմիր Պուտինի օգնական Յուրի Ուշակովի հետ։
«Այսօր ես խոսեցի իմ ռուս գործընկեր Յուրի Ուշակովի հետ Ուկրաինայում պատերազմին վերջ տալու՝ նախագահ Թրամփի ջանքերի մասին»,- գրել է Ուոլցը X-ի իր միկրոբլոգում։
Նա հավելել է, որ առաջիկայում սպասվում է երկու երկրների պատվիրակությունների հանդիպում։
«Մենք պայմանավորվեցինք, որ մեր տեխնիկական թիմերը կհանդիպեն Ռիադում առաջիկա օրերին՝ կենտրոնանալու Ռուսաստանի հետ նախագահ Թրամփի կողմից ձեռք բերված հրադադարի մասնակի իրականացման և ընդլայնման ուղղությամբ»,- գրել է նա։
Մերձավոր Արևելքի հարցերով ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆն ավելի վաղ հայտնել էր, որ ռուս պաշտոնյաների հետ հրադադարի շուրջ բանակցությունները կշարունակվեն կիրակի՝ մարտի 23-ին։
Թարգմանությունը՝ Էմմա Չոբանյանի
