06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Նոր կարգապահական վարույթ՝ դատավոր Արմինե Սաֆարյանի նկատմամբ․ ցանկացած տույժ կհանգեցնի լիազորությունների դադարեցման
Հասարակություն
19.03.2025 | 18:47
Արդարադատության նախարարությունը Երևանի ընդհանուր իրավասության դատարանի դատավոր Արմինե Սաֆարյանի դեմ նոր կարգապահական վարույթ է հարուցել, որն արդեն ուղարկվել է ԲԴԽ՝ քննության։ Այս մասին տեղեկանում ենք Բարձրագույն դատական խորհրդի կայքից։
Թե ինչ ենթադրյալ կարգապահական խախտման մասին է խոսքը, մեզ հայտնի չէ, սակայն նույնիսկ ամենամեղմ կարգապահական պատասխանատվության ենթարկվելու դեպքում դատավորը կզրկվի լիազորություններից։
Խնդիրն այն է, որ նա արդեն իսկ մեկ «խիստ նկատողություն» չմարված կարգաապահական տույժ ունի, որից հետո պատասխանատվության ցանկացած այլ միջոց, Դատական օրենսգրքի համաձայն, հանգեցնում է դատավորի լիազորությունների դադարեցման։
Հիշեցնենք, որ Բարձրագույն դատական խորհուրդը մոտ մեկ ամիս առաջ՝ փետրվարի 24-ին է Արմինե Սաֆարյանին «խիստ նկատողություն» կարգապահական տույժի ենթարկվել՝ դատավարական ժամկետներ խախտելու համար։
Արաքս Մամուլյան
