Քաղաքականություն
18.03.2025 | 10:35
Հայաստանի ու Ադրբեջանի միջև խաղաղության հաստատման վերաբերյալ տեքստի գրեթե բոլոր տարրերն ավարտված են։ Այս մասին հայտարարել է Թուրքիայի նախագահ Ռեջեփ Թայիփ Էրդողանի գլխավորած «Արդարություն ու զարգացում» կուսակցության մամուլի խոսնակ Օմեր Չելիքը։
«Գիտեք, որ երկու կետ խնդրահարույց էր։ Մենք տեսնում ենք, որ կատարվում են նաև Ադրբեջանի պահանջները։ Սա կարևոր փուլ է Կովկասում խաղաղության տեսլականի առումով, որը կիսում են մեր նախագահը և պարոն Ալիևը»,-ասել է Չելիքը,որը կրկնել է ադրբեջանական կողմի պահանջները։
«Հայաստանի համար այսուհետ չափազանց կարևոր կլինի փոխել Սահմանադրության որոշ կետեր կամ հոդվածներ, որոնք ուղղված են Ադրբեջանի դեմ, Ադրբեջանի տարածքային ամբողջականության և ինքնիշխանության դեմ»,-ասել է Էրդողանը կուսակցության խոսնակը՝ նշելով, որ ժամանակն է լուծարել ԵԱՀԿ Մինսկի խումբը, որը ստեղծվել է խնդիրը լուծելու համար, սակայն պատճառ է դարձել, որ խնդիրը ոչ թե լուծվի, այլ ավելի բարդանա։ Ըստ նրա՝ խումբն այլևս որևէ առաքելություն չունի, և Թուրքիայի նախագահը տարիներ շարունակ դա արտահայտել է։
«Երբ այս բոլոր քայլերն իրականացվեն, Թուրքիայի և Հայաստանի միջև հարաբերությունների կարգավորման գործընթացը նոր թափ կստանա, և դրանից կշահեն տարածաշրջանի բոլոր ժողովուրդները։ Կովկասում խաղաղությունը շահավետ կլինի»,-հայտարարել է Օմեր Չելիքը։
Թարգմանությունը՝ Էմմա Չոբանյանի
