Քաղաքականություն
17.03.2025 | 13:15
Բաքվում ապօրինի պահվող Արցախի նախկին պետնախարար Ռուբեն Վարդանյանի փաստաբան Ջարեդ Գենսերը դիմել է ՀՀ վարչապետ Նիկոլ Փաշինյանին և ԱԳ նախարար Արարատ Միրզոյանին՝ ԱՄՆ նախագահի Ազգային անվտանգության հարցերով խորհրդական Մայքլ Ուոլցի՝ Ադրբեջանի նախագահի օգնականի հետ զրույցից հետո։
«Հայաստանի հարգելի վարչապետ Նիկոլ Փաշինյան, ԱԳ նախարար Արարատ Միրզոյան, խնդրում եմ դիտել ԱՄՆ նախագահ Դոնալդ Թրամփի Ազգային անվտանգության հարցերով խորհրդակական Մայքլ Ուոլցի գրառումը։ Նա ընդգծում է ոչ միայն Ադրբեջանի հետ խաղաղության պայմանագիրը վերջնական տեսքի բերելու անհրաժեշտությունը, այլ նաև հայ քրիստոնյա գերիների ազատ արձակման անհրաժեշտությունը։ Վստահ եմ, որ դուք լիովին համաձայն եք Թրամփի վարչակազմի հետ այս առանցքային կետում»,- գրել է փաստաբանը X-ի իր միկրոբլոգում։
Հիշեցնենք, որ Ուոլցը Ադրբեջանի նախագահ Իլհամ Ալիևի օգնական Հիքմեթ Հաջիևի հետ զրույցում ընդգծել էր, որ Հայաստանի հետ խաղաղության պայմանագիրը պետք է ավարտել, ինչպես նաև ազատ արձակել բանտարկյալներին։
Թարգմանությունը՝ Էմմա Չոբանյանի
