25.08.2026 | 16:33
Քննարկվել են Իրանից Հայաստան դիզելային վառելիքի և հեղուկ գազի երկարաժամկետ մատակարարման հնարավորությունները
Հիմա պետք է ավարտել խաղաղության համաձայնագիրը, ազատ արձակել բանտարկյալներին․ Թրամփի խորհրդականը՝ Ալիևի օգնականին
Քաղաքականություն
16.03.2025 | 23:05
Հարավային Կովկասում հակամարտությունը պետք է ավարտվի։ Այս մասին հայտարարել է ԱՄՆ նախագահ Դոնալդ Թրամփի Ազգային անվտանգության հարցերով խորհրդական Մայքլ Ուոլցը։ Նա X-ի իր միկրոբլոգում հայտնել է, որ այս շաբաթ հեռախոսազրույց է ունեցել Ադրբեջանի նախագահի օգնական, ազգային անվտանգության հարցերով խորհրդական Հիքմեթ Հաջիևի հետ:
«Մենք ուրախ ենք, որ Ադրբեջանը և Հայաստանը մեծ քայլ են կատարել և համաձայնել են խաղաղության պայմանագրին: Ես նրան ասացի, որ մենք պետք է ավարտենք այս խաղաղության համաձայնագիրը հիմա, ազատենք բանտարկյալներին և միասին աշխատենք տարածաշրջանն ավելի անվտանգ և բարգավաճ դարձնելու համար»,- գրել է Ուոլցը՝ հավելելով, որ Ամերիկայի ոսկե դարն աշխարհին կբերի խաղաղություն և բարգավաճում, և չեն դադարի աշխատել, մինչև դա տեղի չունենա:
Թարգմանությունը՝ Էմմա Չոբանյանի
