22.06.2026 | 11:45
«Տելեկոմ Արմենիա»-ն և «AzerTelecom»-ը համաձայնագիր են ստորագրել ինտերնետ թրաֆիկի տարանցման վերաբերյալ
Ադրբեջանը 2024թ․ 12 տոկոսով ավելացրել է ռազմական ծախսերը
Քաղաքականություն
14.03.2025 | 15:53
Ադրբեջանի համար 2024 թվականին առաջնահերթ ծախսերի թվում են եղել երկրի պաշտպանունակության ամրապնդումը, պետական սահմանների պաշտպանությունը, բանակի նյութատեխնիկական բազայի արդիականացումը և զինծառայողների սոցիալական ապահովության և ծառայության պայմանների բարելավումը։ Այս մասին հայտարարել է Ադրբեջանի վարչապետ Ալի Ասադովը խորհրդարանում կառավարության 2024 թվականի զեկույցի ներկայացման ժամանակ։
«Այդ նպատակով 2024 թվականի պետական բյուջեից պաշտպանության և ազգային անվտանգության ծախսերի համար հատկացվել է 6 միլիարդ 562 միլիոն մանաթ։ Սա 707 մլն մանաթով կամ 12 տոկոսով ավելի է, քան 2023 թվականին»,- հայտարարել է Ասադովը։
Հավելենք, որ Ադրբեջանի կառավարությունը 2025 թվականին պաշտպանության և ազգային անվտանգության համար բյուջեի ծախսերը հասցրել է 8 միլիարդ 555 միլիոն մանաթի՝ 5 մլրդ դոլարի։
Թարգմանությունը՝ Էմմա Չոբանյանի
