25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Թբիլիսիում կալանավորված և հացադուլ հայտարարած ադրբեջանցի ընդդիմադիր լրագրողը կորցրել է գիտակցությունը
Քաղաքականություն
05.02.2025 | 23:13
Ադրբեջանական ընդդիմադիր Azel.TV կայքի ղեկավար Աֆղան Սադիգովը, որը փետրվարի 2-ից չոր հացադուլ է անում Թբիլիսիի քննչական մեկուսարանում, երեքշաբթի երեկոյան կորցրել է գիտակցությունը։ Այս մասին ադրբեջանական լրատվամիջոցներին հայտնել է լրագրողի կինը՝ Սևինջ Սադիգովան։
«Աֆղանի վիճակը երեկոյից շատ վատ էր։ Մինչև առավոտ նա ուշքի չի եկել։ Բժիշկներն ասել են, որ քննչական մեկուսարանում չկան համապատասխան պայմաններ, և եթե Աֆղանը շարունակի հացադուլը, ապա նրան անհրաժեշտ կլինի տեղափոխել կլինիկա»,- ասել է կինը՝ հավելելով, որ Սադիգովը մտադիր չէ դադարեցնել հացադուլը։
Իր հերթին, փաստաբան Մարիամ Կվելաշվիլին ասել է, որ տեղյակ է լրագրողի վիճակի մասին։
Հավելենք, որ հունվարի 31-ին Թբիլիսիի դատարանը երեք ամսով երկարացրել է Սադիգովի կալանքը։
Ադրբեջանցի ընդդիմադիր լրագրողը անցյալ տարվա սեպտեմբերի 21-ից հացադուլ է հայտարարել՝ բողոքելով իր ձերբակալության և ապաստան չտրամադրելու դեմ։ Փետրվարի 2-ից նա չոր հացադուլ է հայտարարել։
Թարգմանությունը՝ Էմմա Չոբանյանի
