04.08.2026 | 11:26
Արման Անտոնյանը հայտնել է ԿԳՄՍ նախարարի խորհրդականի պաշտոնից հեռանալու մասին
Ռուսները Հյուսիսային Կորեա են մեկնում․ հոսքը ՀՀ նվազել է․ Զբոսաշրջային կոմիտեի նախագահ․ ՏԵՍԱՆՅՈՒԹ
Տնտեսություն
03.02.2025 | 18:30
2024 թ-ին զբոսաշրջությունը ՀՀ-ում մոտ 7 տոկոսով նվազել է։ Պատճառները պարզելու համար FactorTV-ի տաղավարում հյուրընկալեցինք Զբոսաշրջության կոմիտեի նախագահ Լուսինե Գևորգյանին։
«Զբոսաշրջային ոլորտում, այո՛, ունենք նվազում, որը ունի օբյեկտիվ ու սուբյեկտիվ պատճառներ։ Հիմնականում այն կապված է ՌԴ-ից եկող զբոսաշրջիկների նվազման հետ,- ասաց Գևորգյանը, միաժամանակ նշելով, որ տեղի է ունեցել շուկայի դիվերսիֆիկացիա։- Եթե առաջ այցելությունների առյուծի բաժինն ընկնում էր ՌԴ-ից ժամանած զբոսաշրջիկների վրա, ապա հիմա՝ եվրոպական ու ասիական երկրներից ժամանածների»։
Ու քանի որ զբոսաշրջային ոլորտը զգայուն է, Լուսինե Գևորգյանը որպես զբոսաշրջային այցելությունների նվազման պատճառ նշեց նաև քաղաքական իրադարձությունները․ օրինակ, որ Ալիևը ժամանակ առ ժամանակ հայտարարում է, թե ՀՀ-ն ֆաշիստական երկիր է, որոշ երկրների դեսպանություններում Սյունիքը կարմիր շրջանակում է առնված․․․
Լուսինե Գևորգյանը խոսեց նաև ոլորտում առկա խնդիրներից, մասնավորապես զբոսաշրջային վայրերում զուգարանների բացակայությունից։
«Հետևողական ենք լինելու՝ զբոսաշրջավայրերում զուգարանների հարցը լուծվի, թեկուզ մասնավորին պատվիրակելով», – ասաց նա։
Առավել մանրամասն՝ տեսանյութում։
Անահիտ Խաչատրյան
