16.05.2025 | 11:51
Հաջողությունները գալիս են հետևողական ջանքի, անընդհատ սովորելու և սայթաքելուց հետո առաջ շարժվելու արդյունքում․ նախարարի ուղերձը
ԲԱՆԱՎԵՃ․ Փաշինյանը և Պուտինը խոսեցին ՀՀ-ի՝ ԵՄ գնալու թեմայով․ ի՞նչ սպասել Կրեմլից. ՏԵՍԱՆՅՈՒԹ
Հաղորդաշարեր
17.01.2025 | 22:00
Հայաստանն ու ԱՄՆ-ն 1991-ից ի վեր ունեցած միջպետական հարաբերությունները բարձրացրին ռազմավարական գործընկերության մակարդակի։ Սա ռազմավարական դաշինք չէ, սակայն ԱՄՆ-ն հանձնառություն է ստանձնում անվտանգության, տնտեսության, էներգետիկայի, ժողովրդավարության և այլ ոլորտներում աջակցել Հայաստանի կարողությունների մեծացմանը։ Վաշինգտոնում ռազմավարական գործընկերության կանոնադրությունը ստորագրեցին ՀՀ ԱԳՆ Արարատ Միրզոյանը և ԱՄՆ Պետքարտուղար Էնթոնի Բլինքենը։ Սակայն Երևանը փաստաթղթի իրագործմանը առաջիկա 4 տարում պետք է հասնի Դոնալդ Թրամփի վարչակազմի հետ։ Օրինակ՝ ակնկալվում է ԱՄՆ-ի գործուն մասնակցությունը ՀՀ-ի սահմանապահ կարողությունների բարձրացմանը։ Հայտնի փաստ է նաև ԱՄՆ-ի մասնակցությունը ՀՀ Զինված ուժերի բարեփոխումներին,շրջանառվում է նաև ամերիկյան մոդուլային ատոմակայան կառուցելու գաղափարը։
ՀՀ կառավարությունը մինչ այդ հավանություն էր տվել ԵՄ-ին անդամակցելու գործընթաց սկսելու մասին նախագծին։ ԵՄ-ի ընդլայնման հարցերով հանձնակատարը կժամանի Երևան՝ ՀՀ կառավարության հետ քննարկելու թեման։ Փաշինյանն ասել է՝ հաջորդ քայլը ճանապարհային քարտեզի մշակումն է։ Սուր արձագանքներ կան Մոսկվայից։ Արդյո՞ք Հայաստանը կատարում է, պետք է կատարի կամ հիմքեր է պատրաստում՝ ՌԴ-ից դեպի Արևմուտք ռազմավարական շրջադարձ կատարելու։ Ի՞նչ անել ՀԱՊԿ-ում և ԵՏՄ-ում ՀՀ անդամակցության հետ։
Factor TV-ի տաղավարում հրավիրել ենք քննարկում, որին մասնակցում են «Հանուն սոցիալական արդարության» կուսակցության նախագահ Արման Ղուկասյանը, քաղաքագետ, «Ազատ Հայաստան» նախաձեռնության ղեկավար Էդգար Առաքելյանը, Ազգային անվտանգության և ռազմական հարցերով փորձագետ Հրաչյա Արզումանյանը, Հանրապետություն կուսակցության անդամ Հայկ Սահակյանը, Հելսինկյան ասոցացիայի նախագահ Նինա Կարապետյանցը։
