19.05.2026 | 16:22
Mango ընկերության հիմնադրի որդին ձերբակալվել է հոր սպանության կասկածանքով
Բանակը պատերազմի պատրաստ կլինի՞. ինչ հետևանք կունենա զինծառայության ժամկետի կրճատումը. ՏԵՍԱՆՅՈՒԹ
Հաղորդաշարեր
29.11.2025 | 20:00
Պարտադիր զինծառայության ժամկետը կկրճատվի կես ամսով՝ 24-ի փոխարեն 18 ամիս, եթե խորհրդարանը կողմ քվեարկի օրինագծին․ իշխող ուժը մտադիր է այն ընդունել հրատապ ռեժիմով: Զինված ուժերի համալրման նոր կարգը ուժի մեջ կմտնի 2026 թ. հունվարի 7-ից։ Ընդդիմությունը սա համարում է նախընտրական քայլ՝ 2026-ի ընտրություններից առաջ ձայներ գրավելու նպատակով։ Մինչդեռ՝ Պաշտպանության նախարար Սուրեն Պապիկյանը հիմնավորում է, թե պարտադիր ծառայության ժամկետի կրճատումը հնարավոր է դարձել պայմանագրային ծառայության գրավչության ու ընդլայնման ուղղությամբ կատարված աշխատանքների արդյունքում:
Իսկ ընդդիմությունը փաստեր է պահանջում իշխանությունից՝ որքան մարդ է հրաժարվել պայմանագրային զինծառայությունից, և թե մարտական հերթապահություն իրականացնող զորամասերը որքանով է հաջողվել համալրել: Ըստ ընդդիմության՝ միայն այս դեպքում հայտնի կլինի՝ այս փոփոխությունը դրական, թե բացասական ազդեցություն է ունենալու:
Իրականում ինչ հետևանքներ է ունենալու զինծառայության ժամկետի կրճատումը․ Factor TV-ի տաղավարում քննարկում ենք այս հարցը։ Քննարկմանը մասնակցում են Հովսեփ Ղազարյանը՝ 44-օրյա պատերազմի մասնակից, Ավետիք Քերոբյանը՝ Ռազմարդյունաբերության կոմիտեի նախկին նախագահ և պատերազմի մասնակից, Նարեկ Ներսիսյանը՝ իրավաբան-փորձագետ, Զարուհի Հովհաննիսյանը՝ իրավապաշտպան, Վովա Վարդանովը՝ Ողջ մնալու արվեստ ՀԿ հիմնադիր։
Հաղորդումն ամբողջությամբ՝ տեսանյութում։
Ռոբերտ Անանյան
