28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
ԲԱՆԱՎԵՃ․ ՀՀ-ն հետ կբերի՞ Արծվաշենը՝ Ադրբեջանին տալով 3 անկլավ․ Փաշինյանի արձագանքը Բաքվին
Քաղաքականություն
14.11.2025 | 20:30
Վարչապետ Նիկոլ Փաշինյանի գրառումներից մեկը, որ Հայաստանը սահմանազատմամբ պետք է վերադարձնի Արծվաշենը և օկուպացված մյուս տարածքները, ՀՀ-ում աղմուկ է բարձրացրել։ Ընդդիմությունը պնդում է, որ այսպիսով՝ ՀՀ իշխանությունը փորձում է հանրությանը պատրաստել՝ Ադրբեջանին Տիգրանաշեն, Վերին Ասկիպարա, Սոֆուլու և Բարխուդալլու անկլավները հանձնելուն։ Փաշինյանն օրերս ԱԺ-ում ասում էր՝ Հայաստանը չունի իրավական հիմքեր, որ այս տարածքները պատկանել են Ադրբեջանին, մինչդեռ Արծվաշենի՝ ՀՀ սուվերեն տարածք լինելու իրավական ապացույցներ ունի։
Փաշինյանն իր այս հայտարարությամբ պատասխանում էր Ադրբեջանի ԱԳՆ խոսնակ Այխան Հաջիզադեին, որը պնդել է, որ «Ադրբեջանական չորս անկլավների վերադարձը գտնվում է մեր մշտական ուշադրության կենտրոնում։ Ղազախի շրջանի երեք գյուղերի և Նախիջևանի Քարքի գյուղի վերադարձը Ադրբեջանին միշտ էլ գերակա խնդիր է։ Այդ հարցը պետք է լուծվի սահմանազատման հանձնաժողովների շրջանակում»։
Արդյո՞ք ՀՀ-ն պետք է իր վերահսկողության տակ վերադարձնի Արծվաշենը՝ Տիգրանաշենը, Վերին Ասկիպարան, Սոֆուլուն և Բարխուդալլուն հանձնելով Ադրբեջանի վերահսկողությանը, թե՞ կպահպանվի այսօրվա իրավիճակը։ Ի՞նչ է նշանակում Փաշինյանի հայտարարությունը։
Factor TV-ում հրավիրել ենք բանավեճ, որին մասնակցում են Ռուբեն Գալջյանը՝ քարտեզագետ, աշխարհագրագետ, Սամվել Մելիքսեթյանը՝ Անվտանգային քաղաքականության հետազոտական կենտրոնի փորձագետ, քաղաքագետ, Վահե Սարուխանյանը՝ Հետքի լրագրող, Դավիթ Կարապետյանը՝ միջազգայնագետ, Աննա Կոստանյանը՝ քաղաքական գործիչ, նախկին պատգամավոր։
Հաղորդումն ամբողջությամբ՝ տեսանյութում։
