03.04.2026 | 23:13
NASA-ն հրապարակել է Երկրի նոր լուսանկարը
Սաակաշվիլիի կալանքը երկարացվել է սահմանի հատման գործով
Քաղաքականություն
24.12.2024 | 19:59
Թբիլիսիի քաղաքային դատարանը հաստատել է Վրաստանի նախկին նախագահ Միխեիլ Սաակաշվիլիի նկատմամբ կալանքը որպես խափանման միջոց՝ սահմանի ապօրինի հատման գործով, չնայած այն հանգամանքին, որ նա արդեն պատիժ է կրում այլ գործերով։ Այս մասին հայտնում է Interpressnews գործակալությունը։
Հաղորդվում է, որ դեկտեմբերի 24-ին կայացած լսումների ժամանակ Սաակաշվիլիի փաստաբան Բեքա Բասիլայան միջնորդություն է ներկայացրել կալանքը վերացնելու մասին՝ այն բանից հետո, երբ ավարտվել է սահմանի ապօրինի հատման գործով ապացույցների փորձաքննության փուլը: Փաստաբանի խոսքով՝ նման խափանման միջոցի համար, ինչպիսին կալանքն է, հիմքեր չկան, քանի որ դատարանը շուտով պետք է հրապարակի գործով վճիռը, իսկ նախկին նախագահն արդեն կալանավայրում է։
Դատավոր Միխայիլ Ջինջոլիան բացատրել է, որ մնում է վտանգ, որ Սաակաշվիլին կփախչի կամ նոր հանցանք կգործի, ուստի կալանքը վերացնելու միջնորդությունը չի բավարարվել։
Օգոստոսի 2-ին Թբիլիսիի քաղաքային դատարանը սահմանի ապօրինի հատման գործով Սաակաշվիլիի նկատմամբ որպես խափանման միջոց է ընտրել կալանքը։ Դատավորը պարզաբանել է, որ վկաների վրա ճնշում գործադրելու կամ ապացույցների ոչնչացման, ինչպես նաև նոր հանցագործությունների կատարման վտանգ կար, ուստի Սահակաշվիլիին կալանավորելու մասին մեղադրող կողմի միջնորդությունը բավարարվել է։
Թարգմանությունը՝ Տաթև Ֆռանգյանի
