27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Հայ մարդը, լինելով ստեղծագործ, ինչո՞ւ է հաճախ կլանվում օտարի կողմից. ապաքաղաքական զրույց Սեդրակ Երկանյանի հետ․ ՏԵՍԱՆՅՈՒԹ
Հաղորդաշարեր
05.01.2025 | 21:00
Factor TV-ի A-politic հաղորդման հյուրն է հնագույն երաժշտության «Տաղարան» համույթի գեղարվեստական ղեկավար և դիրիժոր Սեդրակ Երկանյանը: Նրա կարծիքով՝ այսօր դժվար է իմանալ, թե ինչպես է հնչում հայ միջնադարյան կամ դարերից եկող ժողովրդական երաժշտությունը: Միակ «հանգույցն» այդ առումով Կոմիտասն է, որը ոչ միայն պահպանել է մեզ համար հարյուրավոր նմուշներ, այլև մշակել է երաժշտական նյութի հավաքագրման և մշակման սկզբունքները: Այդ սկզբունքներին է աշխատում հավատարիմ մնալ «Տաղարան» համույթը:
Կոմիտասն ավելի քան 120 տարի առաջ պայքարում էր ռուսական ռոմանսներին, իտալական օպերային արիաներին կամ թուրքական բայաթիներին նմանակող՝ հայերեն բառերով երգերի դեմ: Խնդիրը բարձրացվել է այն ժամանակ, երբ հայերը պետականություն չունեին:
Ի՞նչով է բացատրվում նույն վիճակը, երբ 1918 թվականից սկսած մենք այս կամ այն ձևով ստեղծել ենք պետական որոշակի ինստիտուտներ: Հաղորդման հյուրը բացատրությունը տեսնում է ոչ թե գենետիկայի կամ հոգեխառնվածքի, այլ պետական լուրջ քաղաքականության բացակայության մեջ:
Եվրոպակա՞ն է, արդյոք, Նարեկացու կամ Շնորհալու երաժշտությունը: Պատասխանելով այս հարցին՝ Սեդրակ Երկանյանը կարծիք է հայտնում, որ նման մարդիկ որևէ տարածքից վեր են, նրանք տիեզերական են և այդպես էլ պետք է ընկալվեն աշխարհի կողմից:
Մանրամասները՝ տեսանյութում:
Արամ Աբրահամյան
