26.05.2026 | 10:00
ԱԺ քառօրյայի մեկնարկը. ՈՒՂԻՂ
Հեդոնիստները մտածում են՝ քանի ռումբը մեր վրա չի ընկել, քեֆ անենք. ապաքաղաքական զրույց Գևորգ Տեր-Գաբրիելյանի հետ․ ՏԵՍԱՆՅՈՒԹ
Հաղորդաշարեր
29.12.2024 | 21:00
Factor TV-ի A-politic հաղորդման հյուրն է արձակագիր Գևորգ Տեր-Գաբրիելյանը: Թեման 2024 թվականը բնութագրող բառերն են՝ տարբեր հեղինակավոր բառարանների վարկածներով: Ընտրված է 4 բառ. brat` ինքնավստահ, անկախ և հեդոնիստական կեցվածք, polarization՝ բևեռացում, brain rot՝ ուղեղի փտախտ, visualization՝ վիզուալիզացիա, ներկայացում: Հաղորդման ընթացքում գրողը մեկնաբանում է այդ բառերը և ցույց տալիս դրանց փոխկապակցվածությունը:
Գևորգ Տեր-Գաբրիելյանը վստահ է, որ սոցցանցային դարը մեր ընկալումներում որակական փոփոխություններ է մտցրել՝ գրվող կամ հնչող ցանկացած բառ հասանելի է ամբողջ աշխարհին, և դա փոխում է, մասնավորապես, սպառման հոգեբանությունը: Մարդիկ ձգտում են ոչ թե «նշաններին», որոնք առնչվում են այս կամ այն ապրանքին, այլ դրա խորհրդանիշներին, որոնք կարող են ապրանքի հետ որևէ կապ չունենալ:
Այստեղից բխում է նաև զվարճանալու, հաճույք ստանալու ձևը, մոտեցումը: Մարդկանց հետաքրքրում է ոչ թե նրանց գործունեության արդյունքը, այլ բուն գործընթացը: Տեսնելով աշխարհում տեղի ունեցող կատակլիզմները՝ ժամանակակից սպառողն ավելի մեծ խանդավառությամբ է բավարարում իր զվարճանալու ձգտումը: Դա համարվում է «բնական», մինչդեռ մարդը, քաղաքակրթությունն այդ առումով հիմնված են «անբնականի» վրա:
Մանրամասները՝ տեսանյութում:
Արամ Աբրահամյան
