08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Գլխավոր մրցանակներ 2 տարբեր անվանակարգում․ Factor TV-ի արդյունքը՝ ՆԳՆ-ի հայտարարած մրցույթում. ՏԵՍԱՆՅՈՒԹ
20.12.2024 | 20:10
Ներքին գործերի նախարարության կազմակերպած մրցույթում Factor TV-ն այսօր միանգամից երկու գլխավոր մրցանակ ստացավ։
«Թմրամիջոցների ապօրինի շրջանառությունը անչափահասների շրջանում անվանակարգում առաջին տեղը զբաղեցրած մեր «Թակարդ N 420» ֆիլմը պատմում է Հայաստանում թմրանյութի ճիրաններում հայտնված երիտասարդների, թմրամիջոցների տարածման դեմ պայքարի և այդ ճանապարհին հանդիպող խոչընդոտների մասին։
Գլխավոր հերոսի՝ Հայկի օրինակով, ֆիլմն անդրադառնում է այն երիտասարդներին, որոնք կյանքի այս կամ այն բարդ փուլում լուծումներ չգտնելով՝ ընկնում են թմրանյութերի թակարդը: Ֆիլմում խորքային անդրադարձ է կատարվել թմրամիջոցների տարածման խնդրին․ թմրանյութերից կախվածության մեջ հայտնված երիտասարդները հենց իրենք են դիմում հասակակիցներին՝ կոչ անելով հեռու մնալ այդ չարիքից։
Factor TV-ի այս ֆիլմն ահազանգ է բոլոր նրանց, ովքեր չեն գիտակցում, որ թմրանյութի անգամ մեկանգամյա օգտագործումը կարող է անդառնալիորեն շրջել յուրաքանչյուրի կյանքը։
Ժյուրիի կողմից լավագույնը ճանաչված մեր հաջորդ նյութը՝ «Կինը՝ ուժային կառույցում․ լեյտենանտ Մարիամ Կարապետյանի ծառայությունը՝ փորձություններով լի» վերնագրով, 1-ին տեղն է զբաղեցրել «Կանայք ոստիկանությունում․ մարտահրավերներ, կարծրատիպեր, առավելություններ» անվանակարգում։ Factor TV-ի այս նյութը պատմում է պարեկային ծառայության հիմնադրումից ի վեր համակարգում աշխատող, ոստիկանության լեյտենանտ Մարիամ Կարապետյանի աշխատանքի մասին։
Կինը՝ ուժային կառույցում․ լեյտենանտ Մարիամ Կարապետյանի ծառայությունը՝ փորձություններով լի. ՏԵՍԱՆՅՈՒԹ
Չնայած մարտահրավերներով լի ծառայությանը՝ Մարիամը պատմում է, որ համակարգ մտնելու որոշման համար երբեք չի զղջացել։
Ի դեպ, դեկտեմբեր ամսվա ընթացքում սա Factor TV-ի լրագրողների ստացած արդեն 5-րդ մրցանակն է։
Մանրամասները` տեսանյութում:
