06.10.2026 | 17:17
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
16-ամյա պատանուն դանակահարողը ձերբակալվել է. նախաձեռնվել է քրեական վարույթ
Հասարակություն
04.12.2024 | 17:13
Դեկտեմբերի 3-ի ժամը 22։50-ի սահմաններում ՆԳՆ ոստիկանության Շիրակի մարզի օպերատիվ կառավարման կենտրոն «Գյումրի» բժշկական կենտրոնից հաղորդում է ստացվել, որ շտապօգնության խումբը որովայնի ծակած-կտրած թափանցող վնասվածքով բուժօգնության է տեղափոխել 16-ամյա պատանու: Վնասվածքը ստանալու հանգամանքների մասին պատանին որևէ տեղեկություն չի հայտնել:
«Քրեական ոստիկանության Շիրակի մարզային վարչության ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ պատանին վնասվածքը ստացել է Գյումրիի դպրոցներից մեկի մոտակայքում. վիճաբանության ժամանակ նրան կտրող-ծակող առարկայով հարվածել և վնասվածքը պատճառել էր անհայտ անձը:
Քրեական ոստիկանության Շիրակի մարզային վարչության և Համայնքային ոստիկանության Կումայրիի բաժնի ծառայողները համատեղ ձեռնարկած միջոցառումների շնորհիվ պարզել են, որ դպրոցի մոտակայքում կենցաղային հարցերի շուրջ տեղի ունեցած վիճաբանության ժամանակ տուժողին դանակով հարվածել էր համաքաղաքացի հասակակից պատանին: Նա ձերբակալվել և տեղափոխվել է ոստիկանություն, որտեղ տարված բացատրական աշխատանքի արդյունքում խոստովանել է արարքը:
Գյումրիի բնակիչ 16-ամյա պատանին և կազմված փաստաթղթերը ներկայացվել են Շիրակի մարզային քննչական վարչություն»,- ասված է հաղորդագրությունում։
Նշվում է, որ նախաձեռնվել է քրեական վարույթ:
