22.06.2026 | 19:31
Team-ի և AzerTelecom-ի գործարքը բուռն քննարկումների կենտրոնում․ արդյո՞ք վտանգ կա Հայաստանի համար
Փաշինյանը վերստին առաջարկել է Աղազարյանին վայր դնել մանդատը և կրկին դրական պատասխան չի ստացել
Քաղաքականություն
29.11.2024 | 21:58
Այսօր տեղի է ունեցել ՔՊ կուսակցության ընդլայնված նիստ՝ վարչության և խորհրդարանական խմբակցության մասնակցությամբ։ Ներկա է եղել նաև վարչապետ Նիկոլ Փաշինյանը։ Factor.am-ին հայտնի դարձավ, որ քննարկվել են հիմնականում ներքաղաքական հարցեր, արտաքին թեմաներին կարճ անդրադարձ է եղել Փաշինյանի կողմից։
Factor.am-ը տեղեկացավ, որ ՔՊ նիստում քննարկվել է Հովիկ Աղազարյանի մանդատը դնելու հարցը։ Նիկոլ Փաշինյանը ևս մեկ անգամ պատգամավորին առաջարկել է հրաժարվել մանդատից։
Հովիկ Աղազարյանն այս տեղեկության վերաբերյալ փոխանցեց, որ նպատակահարմար չի գտնում փակ նիստից մանրամասներ հայտնել։ Այս անգամ էլ վերահաստատեց, որ մանդատը դնել-չդնելու հարցը քննարկելու է ՌԴ-ից ժամանող ընկերոջ հետ։
Factor.am-ի հարցին՝ ով է ընկերը, կարո՞ղ է անունն ասել, Աղազարյանը հրաժարվեց բացահայտել նրա ինքնությունը։
Նարեկ Կիրակոսյան
