05.08.2026 | 15:00
Կիևի մարզում ռուսական հարվածի հետևանքով ոչնչացվել է ուկրաինական Rozetka մարկետփլեյսի ամենախոշոր պահեստը
Ադրբեջանում 23 հայեր գտնվում են պատանդի կարգավիճակում. Սիրանուշ Սահակյան․ ՏԵՍԱՆՅՈՒԹ
Հասարակություն
14.11.2024 | 12:45
Իրավապաշտպան, ՄԻԵԴ-ում հայ գերիների իրավունքներով զբաղվող իրավապաշտպան Սիրանուշ Սահակյանն «Ադրբեջանի ագրեսիայի ազդեցությունը մարդու իրավունքների և շրջակա միջավայրի պաշտպանության վրա» խորագրով համաժողովի ընթացքում ներկայացրեց այս պահին Բաքվում պահվող հայ ռազմագերիների և պատանդների թիվը.
«Պաշտոնապես հաստատված՝ 23 հայ անձինք այժմ գտնվում են Բաքվում, նրանց մասով օգտագործում ենք «պատանդառված» տերմինը, քանի որ նրանց ազատ արձակումը կապված է քաղաքական կոնֆլիկտի հետ։ Այս թիվը ներառում է նաև Արցախի ղեկավարությունը՝ 8 հոգի և 15 անձ, որոնք պատանդառվել են պատերազմի ժամանակ և Հակարիի կամրջի մոտից»,- նշեց Սահակյանը։
Անդրադառնալով Բաքվում պահվող անձանց հետ Կարմիր խաչի միջոցով կապին, իրավապաշտպանը նշեց, որ շատ անձինք հրաժարվել են իրենց հարազատների հետ տեսակապ հաստատելուց.
«Գերիների նկատմամբ կիրառվել է ինչպես ֆիզիկական, այնպես էլ հոգեբանական բռնություն, ինչպես օրինակ՝ ստիպել են փորել իր գերեզմանը, որտեղ, իբրև, պետք է թաղվեր։ Այս ամենն անդրադարձել է նրան, որ անձը հրաժարվել է հոգեբանական այդ ծանր վիճակում խոսել հարազատների հետ»։
Մանրամասները՝ տեսանյութում։
