19.07.2026 | 13:01
Մեքենան ընկել է Հրազդան գետը․ փրկարարները դուրս են բերել վարորդի մարմինը
Ինքնաթիռի կործանում Բրազիլիայում․ կան զոհեր և տուժածներ
Քաղաքականություն
22.12.2024 | 22:00
Կիրակի օրը Բրազիլիայի հարավային Գրամադու քաղաքում փոքր ինքնաթիռ է վթարվել՝ բախվելով շինություններին։ Ռիո Գրանդե դու Սուլ նահանգի նահանգապետ Էդուարդու Լեյտեն հայտնել է, որ ինքնաթիռում եղել է ինը մարդ, և նախնական տվյալներով՝ նրանք բոլորը զոհվել են․ փոխանցում է The New York Times -ը։
«Ցավոք, նախնական տվյալները ցույց են տալիս, որ ինքնաթիռի ուղևորները չեն փրկվել»,- գրել է Լեյտեն X սոցիալական հարթակում։
Վթարի պահին ինքնաթիռը բախվել է շենքի ծխնելույզին, ապա՝ տան երկրորդ հարկին, այնուհետև ընկել կահույքի խանութի վրա՝ բեկորներ տարածելով հարևան հյուրատան վրա։
Վթարի հետևանքով 14 մարդ վիրավորվել է, որոնցից երկուսի վիճակը ծանր է՝ մարմնի այրվածքների պատճառով։ Մյուսները ստացել են բուժում ծխահարման հետևանքով։
