06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
ԵՄ-ն պատրաստ է աջակցել կայուն, խաղաղ և բարգավաճ Կովկասի հասնելու բոլոր ջանքերին․ Միշելը՝ Ալիևին
Քաղաքականություն
11.11.2024 | 18:08
Եվրոպական խորհրդի նախագահ Շառլ Միշելը X-ի իր միկրոբլոգում մանրամասներ է հայտնել Բաքվում COP29-ի շրջանակում Ադրբեջանի նախագահ Իլհամ Ալիևի հետ հանդիպումից։
Միշելը նշել է, որ Ալիևին շնորհավորել է COP29-ը հյուրընկալելու մասին, որը կարևոր պահ է կլիմայի հրատապ օրակարգն առաջ մղելու համար։ Նշվել է, որ ԵՄ-ն հավատարիմ է մնում ֆինանսական համերաշխությանը և կլիմայական նպատակներին:
«Մենք նաև անդրադարձել ենք երկկողմ հարաբերությունների բոլոր ասպեկտներին։ Հետևելով ՀՀ վարչապետ Նիկոլ Փաշինյանի հետ Բուդապեշտում անցյալ շաբաթ մտքերի փոխանակմանը՝ մենք քննարկել ենք Հայաստանի և Ադրբեջանի միջև կարգավորման գործընթացի ներկա վիճակը։ ԵՄ-ն պատրաստ է աջակցել կայուն, խաղաղ և բարգավաճ Կովկասի համար բոլոր ջանքերին»,-հայտարարել է Շառլ Միշելը։
Թարգմանությունը՝ Էմմա Չոբանյանի
