09.08.2026 | 10:44
ՀՀ տարածքում ավտոճանապարհներն անցանելի են
Ալիևն ընդգծել է Շառլ Միշելի միջնորդական դերը ՀՀ-Ադրբեջան բանակցային գործընթացում
Քաղաքականություն
11.11.2024 | 16:56
Ադրբեջանի նախագահ Իլհամ Ալիևն ու ԵՄ խորհրդի նախագահ Շառլ Միշելը Բաքվում COP29 կլիմայական համաժողովի շրջանակում կայացած հանդիպմանը քննարկել են Եվրամիության ու Ադրբեջանի միջև հարաբերությունների զարգացման հեռանկարները։
Ադրբեջանական կողմի փոխանցմամբ՝ Ալիևն ընդգծել է Միշելի միջնորդական դերը Հայաստանի և Ադրբեջանի միջև բանակցային գործընթացում։ Նրա խոսքով՝ Միշելի միջնորդական ջանքերը բարձր են գնահատվել, և հենց նրա միջնորդության ընթացքում են ձևավորվել Հայաստանի և Ադրբեջանի միջև բանակցային գործընթացի կառուցվածքն ու հիմնական ուղղությունները։
Նշվում է, որ Ալիևն ու Միշելը քննարկել են նաև Բաքվում անցկացվող COP29-ը։ Այս կապակցությամբ Միշելը հաջողություն է մաղթել Ադրբեջանին համաժողովի հաջող անցկացման հարցում և հույս հայտնել, որ միջոցառմանը կլիմայի փոփոխության հետ կապված կարևոր որոշումներ կընդունվեն։ Նա հավելել է, որ կլիմայի փոփոխության խնդիրը ԵՄ օրակարգի առաջնահերթ և կարևոր թեմաներից է։
Թարգմանությունը՝ Էմմա Չոբանյանի
