06.06.2026 | 21:45
Հենրիխ Մխիթարյան․ Որպես ՀՀ քաղաքացի՝ հունիսի 7-ին պարտավոր եմ մասնակցել ընտրությանը
Բաքուն հայտնում է, թե COP29-ին մասնակցելու համար 67,000 մարդ է գրանցվել
08.11.2024 | 19:29
COP29-ի նախապատրաստական աշխատանքները լիովին ավարտված են։ Այս մասին հայտարարել է Ադրբեջանի նախագահի օգնական, COP29 կազմկոմիտեի անդամ Անար Ալեքբարովը:
«COP29-ին մասնակցելու համար գրանցվել է 67 հազար մարդ։ Հյուրանոցային 17,500 համարներից 85 տոկոսն արդեն վաճառվել է»,- հայտնել է նա՝ նշելով, որ միջոցառումը լուսաբանելու համար հավատարմագրվել է լրատվամիջոցների 3,500 ներկայացուցիչ, նրանցից շատերն արդեն Ադրբեջանում են։
Ալեքբարովը հիշեցրել է, որ COP29 միջոցառման պաշտոնական բացման արարողությունը տեղի կունենա նոյեմբերի 11-ին։
«Նոյեմբերի 12-13-ը տեղի կունենա առաջնորդների գագաթնաժողովը, իսկ առաջին տիկնանց հանդիպումը տեղի կունենա Կանաչ գոտում՝ նոյեմբերի 12-ին: Թեև միջոցառումը պաշտոնապես ավարտվում է նոյեմբերի 22-ին, այդ ամսաթիվը կարող է երկարաձգվել՝ կախված բանակցություններից»,- հայտարարել է նա։
Հավելենք, որ խոշոր տնտեսությունների համաշխարհային առաջնորդները, այդ թվում՝ ԱՄՆ-ի, Ֆրանսիայի, Չինաստանի, Հնդկաստանի, Գերմանիայի, ՌԴ-ի, Բրազիլիայի, Ճապոնիայի և այլ երկրների ղեկավարները չեն մասնակցի COP29-ին։ ԵՄ-ն ներկայացնելու են Եվրոպական խորհրդի նախագահ Շառլ Միշելը և դաշինքի կլիմայական քաղաքականության ղեկավար Վոպկե Հոկստրան:
Թարգմանությունը՝ Էմմա Չոբանյանի
