06.10.2026 | 19:19
Ալեն Սիմոնյանը Ֆրանսիայի դեսպանի հետ քննարկել է ՀՀ-ԵՄ փոխգործակցության ընթացքին առնչվող հարցեր
Թբիլիսիի դատարանը 3 ամսով երկարացրել է Բաքվի կողմից հետապնդվող ադրբեջանցի ընդդիմադիր լրագրողի կալանքը
Քաղաքականություն
05.11.2024 | 17:27
Ադրբեջանական AzelTV-ի ղեկավար Աֆղան Սադիգովը 45-րդ օրն է՝ հացադուլ է անում Վրաստանում բանտում։ Ադրբեջանական լրատվամիջոցների փոխանցմամբ՝ բանտային հիվանդանոցում լրագրողին հանդիպել է կինը՝ Սևինջ Սադիգովան։
«Աֆղանի վիճակը գնալով վատանում է: Նրան կրկին հանդիպման են բերել անվասայլակով։ Նա շատ հյուծված է՝ շաքարը ցածր է, երիկամների հետ կապված խնդիրներ կան, գլխապտույտ և սրտխառնոց։ Այդուհանդերձ, նա շարունակում է հացադուլը՝ պահանջելով դադարեցնել շինծու քրեական գործը, նույնիսկ եթե դա արժենա իր կյանքը»,- պատմել է կինը՝ նշելով, որ Աֆղանը հրաժարվում է ուտելիքից և օրվա ընթացքում խմում է ընդամենը 300 գրամ ջուր։
Նա նաև հայտնել է, որ նոյեմբերի 1-ին դատարանը ևս 3 ամսով երկարացրել է Սադիգովի կալանքի ժամկետը։
Սադիգովը հացադուլ է սկսել 2024 թվականի սեպտեմբերի 21-ին այն բանից հետո, երբ սեպտեմբերի 16-ին Վրաստանի ՆԳՆ միգրացիոն վարչությունը մերժել էր նրան միջազգային պաշտպանություն (ապաստան) տրամադրել երկրում։ Վրացական կողմն իր մերժումը բացատրել է նրա դեմ հարուցված գործում «քաղաքական դրդապատճառների բացակայությամբ»։ Այժմ Սադիգովին սպառնում է արտաքսում Ադրբեջան։
Համապատասխան հարցումն Ադրբեջանի գլխավոր դատախազությունից ստացվել է հուլիսին։ Դրանում ասվում է, որ մայիսի 10-ին Սադիգովի դեմ քրեական գործ է հարուցվել շորթման մեղադրանքով։ Դատարանի որոշմամբ՝ նրա նկատմամբ հայտարարվել է հետախուզում։
Թբիլիսիի դատարանն օգոստոսի 4-ին որոշում է կայացրել AzelTV-ի կայքի հիմադիր Սադիգովին 2 ամսով կալանավորելու մասին։ Կինը կարծում է, որ վրացական ոստիկանությունն իր ամուսնուն ձերբակալել է Ադրբեջանի նախագահ Իլհամ Ալիևի հրահանգով։
Թարգմանությունը՝ Էմմա Չոբանյանի
