30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Ընդդիմադիր Փաշինյանի չիրականացած «երազանքը»․ քանի՞ «պադավատ» կլինի Հայաստանում 2025-ին
30.10.2024 | 20:15
Պետական համակարգի ծառայողական մեքենաները հաջորդ տարի կպակասեն 22-ով` դառնալով 880։ 2025 թ-ի բյուջեի նախագծով նախատեսված է, որ պաշտոնյաներին կսպասարկի հենց այդքան ավտոմեքենա։
Factor.am-ի հարցմանն ի պատասխան ֆինանսների նախարարությունից տրամադրել են ՀՀ հանրային իշխանության մարմինների ծառայողական ավտոմեքենաների սահմանաքանակների ցուցակը, ըստ որի՝ 8-ով կրճատվել են ՀՀ նախագահի աշխատակազմի մեքենաները, 4-ով՝ Ազգային Ժողովինը, իսկ ահա վարչապետի աշխատակազմի մեքենաների թիվը չի պակասել, 40 է։
Նախարարությունների դեպքում 1-ով պակասել է առողջապահության և ՏԿԵ-ի, 7-ով՝ էկոնոմիկայի նախարարությունների ավտոմեքենաների քանակը։ Իսկ ահա ֆինանսների նախարարության ծառայողական մեքենաներն ավելացել են 3-ով, արտգործնախարարությանը՝ 2-ով։ Մյուս նախարարությունների ավտոմեքենաների թիվը չի փոխվել։
Ուժային մարմինների ավտոմեքենաների քանակը, հիշեցնենք, չի հրապարակվում։ 2023 թ-ին լուծարվել են ՀՀ արտակարգ իրավիճակների նախարարությունը և ՏԿԵՆ միգրացիոն ծառայությունը, որոնք ներառվել են ՆԳՆ կազմում, այսինքն՝ այդ կառույցների մեքենաների թիվը նույնպես գաղտնի է դարձել։
Փաստորեն, ՀՀ վարչապետ Նիկոլ Փաշինյանն իր իշխանության արդեն 7-րդ տարում չի իրագործելու նախկին ընդդիմադիր պատգամավոր Նիկոլ Փաշինյանի «երազանքը», որ «Հայաստանի Հանրապետությունում պետք ա 30-35 ծառայողական ավտոմեքենա լինի՝ հատուկ պահպանության ենթակա պաշտոնյաների համար»։
