07.11.2026 | 09:30
Նորբերտո Բրիասկո Բալեկյանը գոլ է խփել Արգենտինայի առաջնությունում. ՏԵՍԱՆՅՈՒԹ
Սպենդիարյանի աճյունը «շրջափակված է» սրճարաններով. ապաքաղաքական զրույց Մարինե Օթարյանի հետ. ՏԵՍԱՆՅՈՒԹ
Հաղորդաշարեր
27.10.2024 | 21:00
Factor TV-ի A-politic հաղորդաշարի հյուրն է Ալեքսանդր Սպենդիարյանի տուն-թանգարանի տնօրեն Մարինե Օթարյանը: Նա անդրադառնում է Սպենդիարյանի տոհմին՝ հիշեցնելով, մասնավորապես, այն, որ կոմպոզիտորի եղբայրը՝ Լեոնիդ Սպենդիարովը, համաշխարհային ճանաչում ունեցող երկրաբան էր:
Սպենդիարյանի ընտանիքում հարգի էին բարոյական բարձր արժեքները և գիտելիքի հանդեպ ակնածանքը: Հաղորդման հյուրը նշում է, որ անհրաժեշտ էր արիության և հայրենասիրության մեծ ներուժ՝ Ռուսաստանի բարեկեցիկ կյանքը թողնելու և 1920-ականներին Երևան տեղափոխվելու համար:
Այժմ Ալեքսանդր Սպենդիարյանի շիրիմը, որն Օպերային թատրոնի մոտակայքում է, «շրջափակված է» սրճարաններով: 1928 թվականին Սպենդիարյանի մահից հետո Թամանյանի, Սարյանի և մեր մշակույթի այլ երախտավորների նախաձեռնությամբ որոշում է ընդունվել կոմպոզիտորի աճյունն ամփոփել ապագա Օպերայի (սկզբանական մտահղացմամբ՝ Ժողտան) մերձակա տարածքում: Բնակաբանար, հնարավոր չէր կանխատեսել, թե ինչ է լինելու դրանից 100 տարի հետո:
Այսօրվա վիճակը հաշվի առնելով՝ տուն-թանգարանի տնօրենը կողմ կլիներ, որ Սպենդիարյանի աճյունը տեղափոխվեր Քաղաքային պանթեոն, իր՝ վերը նշված համախոհների մոտ:
Մանրամասները՝ տեսանյութում:
Արամ Աբրահամյան
