Քաղաքականություն
18.10.2024 | 21:00Մեկ տարի առաջ այս օրերին Արցախն արդեն ենթարկվել էր ադրբեջանական դաժան հարձակման, որի հետևանքով 120,000 հայեր բռնի տեղահանվեցին։ Հայաստանում ապաստանած արցախցիները կանգնած են ինչպես քաղաքական իրավունքների պաշտպանության խնդրի առաջ, այնպես էլ սոցիալ-տնտեսական, սեփական կարգավիճակը ճշգրտելու։
Նախ՝ քաղաքական իրավունքներ․ բռնի տեղահանումից մեկ տարի անց ՌԴ ԱԳՆ-ն հայտարարում է, թե Լեռնային Ղարաբաղ հայերի վերադարձի հնարավորություն եղել է և հիմա էլ կա։ Այս եզրահանգմանը Մոսկվան եկել է՝ հաշվի առնելով Բաքվի հետ քննարկումները այս թեմայով․ «Մեկ անգամ չէ, որ ընդգծել ենք Բաքվի կառուցողական քայլերը՝ ուղղված հարազատ վայրերը լքած բնակչությանը վերադարձի հնարավորություն տալուն»:
Ի՞նչ են մտածում այս թեմայով արցախցիները, ՌԴ-ի անվտանգային երաշխիքները բավարարո՞ւմ են։
Միաժամանակ, Կառավարությունը երեկվա նիստում որոշեց Հայաստանում ժամանակավոր պաշտպանություն ստացած անձանց կարգավիճակը երկարաձգել ևս մեկ տարով։ Այդ կարգավիճակը հաստատող վկայականը տրամադրվել էր մինչև սույն թվականի դեկտեմբերի 31-ը։ Առանց այդ վկայականի հնարավոր չէ լքել Հայաստանի տարածքը։ Եվ, իհարկե, ՀՀ մուտք գործելու համար ժամանակավոր պաշտպանության վկայական այլևս չի պահանջվի, բավական է ունենալ «070» ծածկագրով անձնագիր։ Իսկ որքանո՞վ են ՀՀ Կառավարության առաջարկած սոցիալ-տնտեսական միջոցառումների ծրագրերը նպատակային, արդյո՞ք արցախցիները դա բավարար են համարում։
Factor TV-ի տաղավարում հրավիրված քննարկմանը մասնակցում են Լարիսա Ալավերդյանը՝ «Ընդդեմ իրավական կամայականության» հասարակական կազմակերպության գործադիր տնօրեն, ՀՀ առաջին օմբուդսմեն, Մարգարիտա Քարամյանը՝ «Վերադարձ դեպի Դիզակ» ՀԿ ղեկավար, արցախյան շարժման ակտիվիստ, Արթուր Օսիպյանը՝ արցախցի քաղաքական գործիչ, Հրանուշ Խառատյանը՝ ազգագրագետ, Լիաննա Պետրոսյանը՝ հասարակական գործիչ։
Մանրամասները՝ տեսանյութում։
