04.08.2026 | 13:00
ԵԱՀԿ գործող նախագահը Երևան կայցելի․ նա Բաքվում ողջունել է ՀՀ-ի և Ադրբեջանի միջև խաղաղության առաջընթացը
ՔԿ-ն առերևույթ հանցանք չի տեսել անվտանգության աշխատակցի՝ անչափահասին ապտակելու տեսանյութում. վարույթ չի նախաձեռնվել
Հասարակություն
15.05.2025 | 17:32
Մայիսի 13-ին Վազգեն Սարգսյանի անվան «Հանրապետական» մարզադաշտում Հայաստանի գավաթի համար պայքարող «Նոա»-«Արարատ-Արմենիա» ակումբների խաղից հետո ՀՖՖ-ին պահնորդական ծառայություն մատուցող «Thor» ընկերության աշխատակիցն ապտակել է խաղադաշտ մտած երկրպագուին: Տարածված կարճ տեսանյութում միայն այդ հատվածն է երևում:
ՀՖՖ-ն այս մասով հաղորդում էր ներկայացրել Քննչական կոմիտե: ՔԿ մամուլի խոսնակ Կիմա Ավդալյանը Factor.am-ին հայտնեց, որ ուսումնասիրել են նյութերը և վարույթ չեն նախաձեռնել: «Ներկայացված հաղորդումը չի պարունակում որևէ փաստական տվյալ առերևույթ հանցանքի մասին: Քրեական վարույթ չի նախաձեռնվել»,- ասաց ՔԿ խոսնակը:
Դիտարկմանը, որ տեսանյութում երևում է ապտակելու պահը, խոսնակն այլ մեկնաբանություն չտվեց: Հայաստանի ֆուտբոլի ֆեդերացիան խստորեն դատապարտել է տեղի ունեցածը՝ այն անընդունելի որակելով:
Արփի Հակոբյան
