13.01.2026 | 11:55
Ռոնալդուի գոլն ու «Ալ Նասրի» 3-րդ անընդմեջ պարտությունը․ ՏԵՍԱՆՅՈՒԹ
Խաղաղության համաձայնագրի առումով ոչինչ չի լինի, մինչև Պուտինին չհանդիպեմ․ Դոնալդ Թրամփ
Քաղաքականություն
15.05.2025 | 17:49
ԱՄՆ նախագահ Դոնալդ Թրամփը հայտարարել է, որ Ռուսաստանի և Ուկրաինայի միջև խաղաղության համաձայնագրի առումով ոչինչ տեղի չի ունենա, քանի դեռ ինքն անձամբ չի հանդիպել Ռուսաստանի նախագահ Վլադիմիր Պուտինի հետ։ Sky News-ի հաղորդմամբ՝ ԱՄՆ նախագահն այս մեկնաբանություններն արել է Մերձավոր Արևելք կատարած քառօրյա շրջագայության ընթացքում Air Force One-ով թռչելիս։
«Մինչև Պուտինի հետ չհանդիպենք, ոչինչ չի պատահի»,- ասել է Թրամփը։
Այսօր ԱՄՆ նախագահ Դոնալդ Թրամփը նաև հայտարարել էր, որ կարող է մասնակցել ռուս-ուկրաինական բանակցություններին Ստամբուլում ուրբաթ՝ մայիսի 16-ին, եթե «դա նպատակահարմար լինի»։
Կրեմլի մամուլի խոսնակ Դմիտրի Պեսկովն էլ լրագրողների հետ ճեպազրույցում կրկնել է, որ Պուտինի և Թրամփի միջև առաջիկա օրերին հանդիպման նախապատրաստական աշխատանքներ չեն տարվում, և այս հարցը որևէ էական ձևով չի քննարկվել։
Ռուսաստանի և Ուկրաինայի միջև խաղաղության բանակցությունները նախատեսված են այսօր Ստամբուլում։
Ավելի վաղ Անկարա ժամանած Ուկրաինայի նախագահ Վլադիմիր Զելենսկին Թուրքիա ուղարկված ցածր մակարդակի ռուսական պատվիրակությանը որակել է «բուտաֆորիա»։
Թարգմանությունը՝ Էմմա Չոբանյանի
