13.01.2026 | 14:27
Աշխատանքից ազատել եմ ՊՆ-ում աշխատող այն ծնողներին, որոնք ունեն այլ երկրի քաղաքացի զավակներ. Պապիկյան․ ՏԵՍԱՆՅՈՒԹ
Թուրքիայում 5,2 մագնիտուդով ուժեղ երկրաշարժ է տեղի ունեցել․ այն ցնցել է նաև Անկարան
Քաղաքականություն
15.05.2025 | 17:30
Թուրքիայում 5,2 մագնիտուդով երկրաշարժ է տեղի ունեցել։ Ըստ Թուրքիայի աղետների և արտակարգ իրավիճակների կառավարման վարչության (AFAD)՝ այն գրանցվել է Քոնիայի Կուլու շրջանում՝ տեղական ժամանակով 15:46-ին։
Երկրաշարժը տեղի է ունեցել 18.73 կիլոմետր խորության վրա։
Ցնցումներն ուժեղ զգացվել են Թուրքիայի մայրաքաղաք Անկարայում և մոտակա նահանգներում։ Ավերածությունների մասին տեղեկություններ չկան։
Թուրքիայի ներքին գործերի նախարար Ալի Երլիքայան իր սոցցանցերի էջերում կիսվել է երկրաշարժի վերաբերյալ վերջին տեղեկություններով։
«Քոնիայի Կուլուում տեղի է ունեցել 5,2 մագնիտուդով երկրաշարժ։ AFAD-ը և մեր համապատասխան հաստատությունների բոլոր թիմերն անմիջապես սկսել են դաշտային սքանավորումները։ Այս պահին որևէ բացասական իրավիճակ չկա»,- նշել է նա։
Թարգմանությունը՝ Էմմա Չոբանյանի
