08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Ադրբեջանի բանակում հրամանատարաշտաբային զորավարժություններ են
Քաղաքականություն
15.05.2025 | 17:41
Ադրբեջանի բանակում, 2025 թվականի ուսումնական պլանի համաձայն, հրամանատարաշտաբային զորավարժություններ են անցկացվում։ Ադրբեջանի ՊՆ-ի հաղորդմամբ՝ պաշտպանության նախարարության գլխավոր վարչությունների և տնօրինությունների, զինված ուժերի ստորաբաժանումների, ինչպես նաև Նախիջևանի առանձին համազորային բանակի շտաբների ներգրավմամբ անցկացվող ուսումնական պլանի համաձայն՝ գործողություններ են իրականացվում ռազմական որոշումների կայացման գործընթացին համապատասխան։
Մայիսի 15-ին Ադրբեջանի պաշտպանության նախարար, գեներալ-գնդապետ Զաքիր Հասանովը տեսակապի միջոցով լսել է շտաբից ստացված հաղորդագրությունները։ Նա նշել է, թե Ադրբեջանի նախագահ, Զինված ուժերի գերագույն գլխավոր հրամանատար Իլհամ Ալիևը գոհունակություն է հայտնել ադրբեջանական բանակի գործունեության վերաբերյալ և մասնակիցներին է փոխանցել բանակի առջև դրված խնդիրները:
Հաղորդվում է, որ իրական մարտական պայմաններին համապատասխան և ժամանակակից մարտական փորձը հաշվի առնելով անցկացվող հրամանատարաշտաբային զորավարժությունների նպատակն է՝ կատարելագործել ռազմական որոշումների կայացման գործընթացը՝ հաշվի առնելով ստորաբաժանումների մանևրային հնարավորությունները, ինչպես նաև գործնականում մշակել պաշտպանական և հակահարձակողական օպերացիաներ իրականացնելու հարցերը։
Թարգմանությունը՝ Էմմա Չոբանյանի
