23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Մինչև օրենքում ինչ-որ բան գրված չէ, ոչինչ հնարավոր չէ պահանջել. ապաքաղաքական զրույց Սոնա Այվազյանի հետ․ ՏԵՍԱՆՅՈՒԹ
Հաղորդաշարեր
20.10.2024 | 21:00
Factor TV-ի A-politic հաղորդաշարի հյուրն է «Թրանսփարենսի Ինթերնեշնլ հակակոռուպցիոն կենտրոն» ՀԿ գործադիր տնօրեն Սոնա Այվազյանը: Նրա կարծիքով՝ տվյալ կառավարության կամ որևէ թափանցիկություն ապահովելու գործոններից Հայաստանի համար առավել կարևոր է օրենսդրությունը, քանի որ մեզանում իշխանությունից կարելի է ինչ-որ բան պահանջել միայն այն դեպքում, եթե դա գրված է օրենքում: Միևնույն ժամանակ, հաղորդման հյուրը կարծում է, որ ամենաքիչ հայսերը պետք է կապել անհատների բարի կամքի հետ:
Սոնա Այվազյանը կարծում է, որ առայժմ չկան կոռուպցիան չափելու ավելի հավաստի գործիքներ, քան ընկալման համաթիվը որոշելն է: Որքան էլ ընկալումը սուբյեկտիվ լինի, մի քանի աղբյուրից տեղեկություններ ստանալը որոշակի պատկեր է ստեղծում և թույլ է տալիս տեսնել դինամիկան ու համեմատել տարբեր երկրներում տիրող իրավիճակը:
ՀԿ գործադիր տնօրենը համաձայն չէ, որ ժողովրդավարությունը կարող է սահմանափակվել միայն ընտրական գործընթացներով: Ընտրությունների միջև ընկած ժամանակահատվածում մեծ է քաղաքացիների, քաղաքացիական հասարակության դերը: Հաղորդման հյուրն արձանագրում է նաև, որ երեք տասնամյակների ընթացքում մենք ունեցել ենք շատ թերի ժողովրդավարություն, հիմնական ինստիտուտները դեռ պետք է կայանան:
Մանրամասները՝ տեսանյութում:
Արամ Աբրահամյան
