05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ԱՄՆ-ում գտնվող Սամվել Բալասանյանին ձերբակալելու որոշում է կայացվել
Քաղաքականություն
16.10.2024 | 22:41
Քննչական կոմիտեն Գյումրու նախկին քաղաքապետ Սամվել Բալասանյանինձերբակալելու որոշում է կայացրել։ Նա մեղադրվում է Գյումրիում գտնվող «Սև բերդ» պատմամշակութային տարածքի հարակից հողերը հանցավոր ճանապարհով օտարելու համար։ Նշենք, որ Սև բերդ ամրոցն այժմ պատկանում է Բալասանյանի ընտանիքին, իսկ Սամվել Բալասանյանը տևական ժամանակ է՝ ԱՄՆ-ում է։
Factor.am-ն ավելի վաղ տեղեկացրել էր, որ այս գործով անցնում են Բալասանյանի որդին՝ Խաչատուր Բալասանյանը, փեսան Ռուբեն Սանոյանը, որն Սամվել Բալասանյանի քաղաքապետության օրոք զբաղեցրել է քաղաքապետի առաջին տեղակալի պաշտոնը և քաղաքապետի գործող տեղակալ Սուրեն Ջանոյանը։ Նշյալ երեք անձինք ձերբակալվել էին։ Ռուբեն Սանոյանը ձերբակալվելուց որոշ ժամանակ անց ազատ էր արձակվել, իսկ Խաչատուր Բալասանյանի ու Սուրեն Ջանոյանի խափանման միջոց է ընտրվել տնային կալանքը և համապատասխանաբար 70 և 20 միլիոն դրամ գրավ։
Բալասանյանները որևէ կերպ դեռ չեն մեկնաբանել իրենց վերագրվող մեղադրանքներն ու ձերբակալությունները։
