21.11.2024 | 19:00
Մանդատս վայր կդնեմ, եթե Քյարամյանը անուններ տա․ Հովիկ Աղազարյան․ ՏԵՍԱՆՅՈՒԹ
Առանց մաքսատուրքի Էլեկտրամոբիլների ներմուծման 7400 քվոտան լրացել է, ավելացվեց պահուստային 600-ը․ ՏԵՍԱՆՅՈՒԹ
Տնտեսություն
10.10.2024 | 13:17
Հոկտեմբերի 1-ի դրությամբ արդեն Հայաստան է ներկրվել 7 400 էլեկտրոմոբիլ, և ներկրողներն օգտվել են ԵՏՄ-ի քվոտայով սահմանված էլեկտրամոբիլների ՝ առանց մաքսատուրքի ներմուծման արտոնությունից։ Կառավարությունը 1 տարվա համար սահմանված 8000 սահմանաչափի 600-ը նախատեսել էր միայն դիստրիբյուտորական պայմանագրերով աշխատող ընկերությունների համար, սակայն կառավարության այսօրվա նիստում նոր որոշում կայացվեց։
«Այս տարվա էլեկտրամոբիլների քվոտան վերջացել է, սակայն առաջարկվում է մնացած 600-ի դեպքում էլ պահպանել արտոնյալ կարգավիճակը` 0 տոկոս մաքսատուրք, սակայն պայմանով` ով շուտ հասավ մաքսակետ ու ձևակերպումներն արեց, նա էլ կօգտվի այդ արտոնությունից»,- հայտարարեց ՀՀ էկոնոմիկայի նախարար Գևորգ Պապոյանը։
Նրա խոսքով` նախորդ տարիներին երբեք էլեկտրամոբիլների նման պահանջարկ չի եղել, սակայն այս տարի աննախադեպ ակտիվություն է եղել և, ըստ էության, հոկտեմբերի 1-ի դրությամբ 7400 սահմանաչափն ամբողջովին սպառվել է։ Պապոյանը նշեց, որ ներմուծողների 74.1 տոկոսը եղել են ֆիզիկական անձինք։
«էլեկտրամոբիլներից 600-ը պահվել է, որպեսզի այն ընկերությունները, որոնք դիլերական, դիստրիբյուտորական պայմանագրերի հիման վրա են պաշտոնական ներկայացուցիչներից իրականացնում ներմուծում, կարողանան, ըստ էության, իրենց ապահովագրել ու անխոչընդոտ ներմուծում անել»,- հայտարարեց նախարարը։
Էլեկտրամոբիլների քվոտավորումը ՀՀ-ում գործում է 2019 թվականից։ ՀՀ կառավարության որոշմամբ` այս մեքենաներն ազատված են նաև 20 տոկոս ԱԱՀ-ից։
ՀՀ փոխվարչապետ Մհեր Գրիգորյանն իր հերթին նշեց, որ 2025-ից հետո էլեկտրական մեքենաների համար արտոնյալ ռեժիմ ու քվոտա ստանալը ԵԱՏՄ-ում բավականին դժվար է լինելու, քանի որ Ղազախստանը, Ռուսաստանը, նաև Ղրղզստանը պլանավորում են էլեկտրոմոբիլների արտադրության լոկալիզացիա։
Մանրամասները՝ տեսանյութում։
