13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Հ1-ի տնօրենը պատասխանում է ՀԸ-ի շուրջ քննադատություններին. ՏԵՍԱՆՅՈՒԹ
Քաղաքականություն
03.10.2024 | 00:06
Բագրատ արքեպիսկոպոս Գալստանյանի գլխավորած շարժումը Հանրային հեռուստաընկերության շենք հասնելուց և մեծաքանակ ոստիկանական պատին հանդիպելուց հետո շարունակեց պնդել ուղիղ եթեր տրամադրելու և ուղերձ հղելու պահանջը։ Շենքի դիմաց դուրս եկավ Հանրային հեռուստաընկերության տնօրեն Հովհաննես Մովսիսյանը, որը Գալստանյանի հետ քննարկումներից հետո առաջարկ ներկայացրեց։
«Առաջարկում եմ հարցազրույց՝ ուղիղ եթերում, և եթե ուղերձ տալու ցանկություն կա, կարող ենք հնարավորություն տալ այդ հարցազրույցի ընթացքում հղել այդ ուղերձը»,- ասաց Մովսիսյանը՝ նշելով, որ անձամբ կուղեկցի Գալստանյանին հեռուստաընկերություն:
Անդրադառնալով Գալստանյանի այն պնդումներին, թե Հանրային հեռուստաընկերությունն իրենց եթեր չի տրամադրում, Մովսիսյանը, վկայակոչելով քիչ հեռվում կանգնած շարժման մասնակից Գառնիկ Դանիելյանին, նշեց. «Մեկ շաբաթ առաջ է Գառնիկ Դանիելյանը մեզ մոտ հյուր եղել, և կարող ենք ասել, որ մենք այս ընթացքում բազմիցս հրավիրել ենք տարբեր ներկայացուցիչների, և այսօր էլ, այս ժամին պատրաստ ենք հյուրընկալելու»։
Անդրադառնալով Գալստանյանի՝ հեռուստաընկերության մասին որակումներին, թե «Հանրայինը ստի և կեղծիքի որջ է», Մովսիսյանը նշեց. «Ցավալի է, որ նման վիրավորանքներ են հնչում Հանրային հեռուստաընկերության հասցեին։ Ես հենց այստեղ եմ գտնվում, որ ապացուցենք, որ մենք բաց ենք, մեր դռները բաց են անգամ այս ժամին ուղիղ եթերի հնարավորություն ընձեռելու»։
Մանրամասները՝ տեսանյութում։
