09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Ով է փոխարինելու Գրիգոր Մինասյանին. ՔՊ-ում քննարկել են արդարադատության նախարարի թեկնածություններ, բայց անուններ չեն բացահայտում
Քաղաքականություն
01.10.2024 | 22:47
Հոկտեմբերի 1-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։
«Քննարկվել են ՀՀ արդարադատության նախարարի թեկնածություններ։
Մտքեր են փոխանակվել կուսակցական և քաղաքական բնույթի հարցերի շուրջ»,- ասված է կուսակցության տարածած հաղորդագրության մեջ։
Ավելի վաղ տեղեկացրել էինք, որ Գրիգոր Մինասյանը հրաժարականի դիմում է ներկայացրել։
Հիշեցնենք՝ օրեր առաջ «Քաղաքացիական պայմանագիր» խմբակցության պատգամավորների մի մասը ստորագրահավաք էր սկսել Գրիգոր Մինասյանի դեմ, որին միացել էր շուրջ երկու տասնյակ պատգամավոր։ Թեև պաշտոնապես այդպես էլ չհրապարակվեց, թե կոնկրետ որ թերացման հետևանքով են իշխող ուժի մի շարք ներկայացուցիչներ հանդես եկել այդ նախաձեռնությամբ, այնուամենայնիվ նրանցից ոմանք ընդգծում էին փոխնախարար Սիրվարդ Գևորգյանի նշանակումը և Մինասյանի ընտանիքի, մասնավորապես հոր՝ Արա Մինասյանի և եղբոր՝ Միքայել Մինասյանի հանգամանքը։ Ստորագրահավաքի մասին հայտարարվելուց շատ չանցած Գևորգյանը հրաժարական ներկայացրեց, լուրն իր ֆեյսբուքյան էջում կիսվեց նաև Մինասյանը՝ ափսոսանք հայտնելով այդ առիթով։
