26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Մարդիկ սիրում են բարդ երևույթների պարզ բացատրությունները. ապաքաղաքական զրույց Նարեկ Սուքիասյանի հետ․ ՏԵՍԱՆՅՈՒԹ
Հաղորդաշարեր
29.09.2024 | 21:00
Factor TV-ի A-politic հաղորդաշարի հյուրն է քաղաքագետ Նարեկ Սուքիասյանը: Նրա կարծիքով՝ «քաղաքակրթություն» հասկացությունը պետք է օգտագործել եզակի թվով, որովհետև դա համամարդկային երևույթ է, իսկ մշակույթները տարբեր են, և այդ տարբերությունները պայմանավորված են բազմաթիվ, նախևառաջ՝ պատմական գործոններով:
Հաղորդման հյուրը վերապահումներ ունի աշխարհաքաղաքական տեսությունների հետ կապված: Բազմաթիվ փաստեր այդ տեսությունների մեջ ակնհայտորեն չեն տեղավորվում: Սակայն հասկանալի է նաև, թե ինչու են այդ տեսությունները տարածված: Մարդիկ բարդ աշխարհը հասկանալու համար միշտ խնդիր ունեն այն պարզեցնելու, և դրա համար գրավիչ են այն տեսությունները, ըստ որոնց՝ մարդկանց կամ երկրների ինչ-որ մի խումբ պարզապես տարբերվում է մեզանից, և հենց դա է կոնֆլիկտի պատճառը:
Քաղաքագետը դժվարանում է Հայաստանը «տեղավորել» որևէ «քաղաքակրթական շերտի» մեջ: Եթե կիրառենք ամերիկացի քաղաքագետ Սեմյուել Հանթինգթոնի բաժանումները՝ «Արևմուտք», «իսլամ», «օրթոդոքս», Չինաստան և այլն, ապա, ըստ Նարեկ Սուքիասյանի, դժվար կլինի մեր երկիրը դասել կատեգորիաներից մեկին, ներառյալ՝ «օրթոդոքսը» կրոնական առումով:
«Ասեք հային և վրացուն, որ նրանք նույնն են, և կտեսնեք, թե ինչպես են նրանք արձագանքելու»,- նշում է հաղորդման հյուրը:
Մանրամասները՝ տեսանյութում:
Արամ Աբրահամյան
