26.06.2026 | 17:18
Հակասահմանադրական դրույթ է, երբ խմբագրվում է ընտրական իրավունքը. կարծիքս բացասական է. Վարդինե Գրիգորյան․ ՏԵՍԱՆՅՈՒԹ
«Չեմ պատկերացնում, որ կոնսերվատորիայի շենքը դառնա բանկ կամ հյուրանոց». ապաքաղաքական զրույց Ծովինար Մովսիսյանի հետ. ՏԵՍԱՆՅՈՒԹ
Հաղորդաշարեր
15.09.2024 | 21:00
Factor TV-ի A-politic հաղորդաշարի հյուրն է Երևանի Կոմիտասի անվան պետական կոնսերվատորիայի ռեկտորի պաշտոնակատար Ծովինար Մովսիսյանը: Նրա կարծիքով՝ բուհի հեղինակությունը կազմվում է, անշուշտ, շրջանավարտների նվաճումներից, և այդ առումով կոնսերվատորիայի նախկին սաները հասել են զգալի հաջողությունների միջազգային ասպարեզում: Սակայն հեղինակության մյուս բաղադրիչն է դասախոսական կազմի նվիրական աշխատանքը, երբ մարդիկ պատրաստ են իրենց գիտելիքները փոխանցել անգամ ցածր վարձատրության դիմաց:
Կոնսերվատորիային և ստեղծագործական այլ բուհերին, ըստ ռեկտորի պաշտոնակատարի, պետք է տրվի առավելագույն ինքնուրույնություն. վարչական որոշումներով որոշվի ընդունելության քննությունների քանակը, ինչպես նաև, օրինակ, անհրաժեշտ մասնագիտությունների ցանկը: Նման հարցերը պետք է թողնել բուհերի հայեցողությանը:
Անդրադառնալով Ակադեմիական քաղաքի խնդրին՝ Ծովինար Մովսիսյանը կողմ է արտահայտվում այնտեղ «արվեստի կլաստեր» ունենալուն և այդ կլաստերում երաժշտական արվեստն ընդգրկելուն: Ըստ հաղորդման հյուրի՝ երաժշտագիտությունը և կոմպոզիցիան կարող են ուսումնասիրվել ու դասավանդվել Ակադեմիական քաղաքում, ընդ որում, ամենաժամանակակից մեթոդներով: Սակայն կատարողական արվեստի տեղը հենց կոնսերվատորիան է, և այն շենքը, որտեղ այդ հմտությունները դասավանդվում էին տասնամյակներով:
Մանրամասները՝ տեսանյութում:
Արամ Աբրահամյան
