22.06.2026 | 21:14
Էկոնոմիկայի նախարարությունում քննարկվել են ազատ տնտեսական գոտիների գործունեության արդյունքները
Կոպիրկինը հայտարարել է, թե ՀՀ-ում ԵՄ առաքելությունը, իբր, զբաղվում է հետախուզական տվյալների հավաքմամբ
Քաղաքականություն
05.09.2024 | 12:07
ԵՄ առաքելությունը, որն աշխատում է հայ-ադրբեջանական սահմանին, մոնիթորինգի անվան տակ հետախուզական տվյալներ է հավաքում Ռուսաստանին, Ադրբեջանին և Իրանին հակազդելու համար։ Այս մասին «Союзники.ОДКБ»-ին տված հարցազրույցում հայտարարել է ՀՀ-ում ՌԴ դեսպան Սերգեյ Կոպիրկինը, փոխանցում է ՏԱՍՍ-ը։
«Շատ ռիսկեր, որոնց այսօր բախվում է Հայաստանը, կարելի էր մեղմել, եթե 2022 թվականի սեպտեմբերին Երևանը համաձայներ ՀԱՊԿ-ի միջոցով Ադրբեջանի հետ սահմանին իրավիճակը կայունացնելու միջոցառումների փաթեթ իրականացնելու առաջարկին։ Խոսքը լուրջ նախաձեռնությունների մասին էր, այդ թվում՝ ռազմատեխնիկական աջակցության, դիտորդական առաքելություն ուղարկելու, սահմանապահ զորքերի պատրաստման հարցում աջակցության։ Ցավոք, Հայաստանի ղեկավարությունը նախընտրեց հրավիրել ԵՄ առաքելությանը, որն ամենևին էլ չի պաշտպանում պետության սահմանները, այլ մոնիթորինգի անվան տակ հետախուզական տվյալներ է հավաքում Ադրբեջանի, Իրանի և Ռուսաստանի դեմ»,- ասել է նա։
Ըստ Կոպիրկինի՝ Հարավային Կովկասի ճակատագիրը պետք է որոշեն բացառապես տարածաշրջանի երկրները և հարևան գործընկեր պետությունները։
«Դրսից ոչ ոք խաղաղություն և բարգավաճում չի բերի մեր ընդհանուր տանը։ Եթե խոսենք երկարաժամկետ տարածաշրջանային անվտանգության, կայունության և սոցիալ-տնտեսական զարգացման խնդիրների մասին, ապա դրանք լիովին չեն համապատասխանում տարածաշրջանը ռազմականացնելու և դրանում ԵՄ-ի ևու ՆԱՏՕ-ի ռազմաքաղաքական ազդեցությունն ընդլայնելու հավաքական Արևմուտքի ծրագրերին»,- ասել է ՌԴ դեսպանը։
Պաշտոնական Մոսկվան ու Բաքուն նույնական քարոզչական թեզերով շարունակում են ՀՀ-ում տեղակայված ԵՄ դիտորդական առաքելության դեմ արշավ իրականացնել։
