14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՀՀ-ում հաստատվել է Արևմտյան Նեղոսի տենդով վարակման 92 դեպք
30.08.2024 | 23:04
Հիվանդությունների վերահսկման և կանխարգելման ազգային կենտրոնից տեղեկացնում են, որ Հայաստանում գրանցվել է Արևմտյան Նեղոսի տենդով վարակման 92 դեպք, որից 17-ը՝ օգոստոսի 24-30-ն ընկած ժամանակահատվածում։
Արևմտյան Նեղոսի տենդի փոխանցողը կուլեքս ցեղի մոծակներն են, որոնք վարակվում են թռչուններից: Այս հիվանդության համար հատուկ պատվաստանյութ չկա: 80 տոկոս դեպքերում հիվանդությունը ընթանում է գրեթե առանց ախտանշանների:
Ծանր դեպքերը, որոնք ուղեկցվում են նյարդային համակարգի ախտահարմամբ, այդ թվում՝ մենինգիտի և էնցեֆալիտի երևույթներով, դիտարկվում են մինչև 1 տոկոս դեպքերում: Այս հիվանդության համար հատուկ դեղամիջոց չկա: Իրականացվում են ընդհանուր բուժական միջոցառումներ՝ ուղղված վիճակի լավացմանը: Արևմտյան Նեղոսի տենդը նույնպես ունի սեզոնայնություն: Հիմնական սեզոնը հունիսից հոկտեմբեր ժամանակահատվածն է, առավել մեծ ակտիվություն դիտվում է հուլիսից օգոստոս ժամանակահատվածում:
