04.11.2026 | 11:50
Արթուր Բազեյանը կմասնակցի Ամերիկան ընդդեմ Եվրոպայի դիմակայությանը
Արմեն Քոլոյանն ընտրվեց Հանրային ռադիոյի տնօրեն
29.07.2024 | 12:53
Հանրային ռադիոյի տնօրեն ընտրվեց Արմեն Քոլոյանը։ Քիչ առաջ նման որոշում է կայացրել Հանրային հեռարձակողի խորհուրդը` հրավիրված նիստի ժամանակ։
Նշենք, որ Արմեն Քոլոյանն «Ազատություն» ռադիոկայանի երկարամյա աշխատակից է։ Նա ստացել է հինգ ձայն։ Նախկին տնօրեն Գարեգին Խումարյանը զրո ձայն է ստացել։
Խումարյանն օրերս ֆեյսբուքյան գրառմամբ կասկած էր հայտնել, որ Արմեն Քոլոյանի ընտրությունը կանխորոշված է։
Հիշեցնենք, որ Հանրային ռադիոյի նախկին գործադիր տնօրենԳարեգին Խումարյանը ամիսներ առաջ հայտարարություն էր տարածել՝ կապված վարչապետ Նիկոլ Փաշինյանի՝ լրատվամիջոցին տված հարցազրույցի հետ: «Հանրային ռադիոյի այս տաղավարում հունվարի 31-ին տեղի ունեցածը լավ ժուռնալիստիկա չէր։ Մեղավորը ես եմ։ Հարգելի գործընկերս՝ Բարեղամ Ղուկասյանը, բացառիկ մասնագետ է, բայց նեղ ուղղվածության՝ լուրերի հաղորդավար է»,- գրել էր Խումարյանը։
Հանրային հեռարձակողի խորհուրդը դիմել էր ԶԼՄ-ների Էթիկայի դիտորդ մարմնին՝ Գարեգին Խումարյանի հարցով։ ՀՀԽ-ն դիրքորոշում էր հայտնել՝ նշելով, որ Խումարյանը առերևույթ չարաշահել է իր լիազորություններն ու պաշտոնեական դիրքը։ Ապա Դիտորդ մարմինը եզրակացություն էր տվել՝ նշելով, որ Գարեգին Խումարյանի հոդվածում լրագրողի էթիկական սկզբունքների կանոնագրի դրույթների խախտում չկա։ Նշանակվել էր նոր մրցույթ։ Հունիսի 5-ին կայացած մրցույթում ոչ ոք հաղթող չէր ճանաչվել։
Նարեկ Կիրակոսյան
