Ինչ պատասխանել «հեյթերներին» և ինչու «թուրքը» չպիտի կիրառվի որպես հայհոյանք․ ապաքաղաքական զրույց Անահիտ Մանասյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է Հայաստանի Մարդու իրավունքների պաշտպան Անահիտ Մանասյանը: Նրա կարծիքով՝ իրավապաշտպանական հրատապ խնդիրն ատելության խոսքին հակազդելն է․ երևույթ, որը կարող է բերել բազմապիսի բացասական դրսևորումների՝ ընդհուպ մինչև խտրականության հողի վրա հանցագործությունները:

Իր կարևոր գործառույթներից մեկը Մարդու իրավուննքների պաշտպանը համարում է ցույց տալը, թե որ խուսույթն է անընդունելի և ինչու: Մասնավորապես, օմբուդսմենը կտրականապես դեմ է «թուրք» բառը որպես հայհոյանք կիրառելուն:

Անդրադառնալով ոստիկանների և ցուցարարների բախումների ժամանակ Մարդու իրավունքների պաշտպանի կեցվածքի քննադատությանը՝ Անահիտ Մանասյանը համոզմունք է հայտնում, որ դժգոհությունների մեծ մասը գալիս է օմբուդսմենի պարտականությունների շրջանակը սխալ պատկերացնելուց: ՄԻՊ-ը չի կարող լինել ո՛չ քաղաքական գործիչ, ո՛չ էլ քննչական մարմին, որին իրավասություն է տրված քննելու, թե ով է մեղավոր, իսկ ով՝ անմեղ:

Որտեղի՞ց պետք է լինի Մարդու իրավունքների պաշտպանը, արդյո՞ք դատախազության նախկին աշխատակիցը կարող է նման պաշտոն զբաղեցնել: Անահիտ Մանասյանը, թեև նշում է, որ մի քանի ամիս աշխատել է Դատախազությունում, այնուամենայնիվ, կարևորում է իր նախորդ՝ հասարակական, գիտական և դասախոսական աշխատանքը: Իսկ օմբուդսմենի համար անհրաժեշտ հատկանիշներն է համարում մարդասիրությունը, պրոֆեսիոնալիզմը և բարեվարքությունը:

Մամրամասները՝ տեսանյութում:

Արամ Աբրահամյան