23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Հունգարիայի վարչապետի այցը Մոսկվա չի նպաստում ուկրաինական հակամարտության կարգավորմանը․ Սպիտակ տուն
Քաղաքականություն
06.07.2024 | 12:34
ԱՄՆ իշխանությունները կարծում են, որ Հունգարիայի վարչապետ Վիկտոր Օրբանի այցը Մոսկվա չի նպաստում ուկրաինական հակամարտության կարգավորմանը։
Այս մասին հայտնել է Սպիտակ տան մամուլի քարտուղար Կարին Ժան Պիերը, փոխանցում է RT-ն։
«Մենք մտահոգված ենք, որ վարչապետ Օրբանն ընտրել է այս այցը Մոսկվա, որը չի նպաստում խաղաղության գործին», – ասել է Սպիտակ տան խոսնակը:
Հիշեցնենք, որ Հունգարիայի վարչապետ Վիկտոր Օրբանը նախապես չհայտարարված պաշտոնական այցով հուլիսի 2-ին ժամանել էր Կիև, որտեղ բանակցություններ էր վարել Ուկրաինայի նախագահ Վլադիմիր Զելենսկիի հետ։
Օրբանը Զելենսկիին առաջարկել էր «կրակը դադարեցնել ռուսական զորքերի հետ ներկայիս շփման գծով»՝ ՌԴ-ի հետ «բանակցություններն արագացնելու» համար։
Կրեմլից արձագանքել էին Վիկտոր Օրբանի Ուկրաինա այցին՝ նշելով, որ Կրեմլում ոչինչ չեն սպասում Հունգարիայի վարչապետ Վիկտոր Օրբանի Կիև այցից։
«Ոչինչ չենք սպասում, մենք չէ, որ պետք է մեկնաբանենք։ Հասկանալի է, որ Հունգարիան, որն այս ընթացքում սկսել է նախագահել ԵՄ Խորհրդում, պետք է կատարի իր գործառույթները։ Դրա համար այս պարագայում, կարծում եմ, այստեղ գերակայելու են պարտականությունները Բրյուսելի շահերի համատեքստում, այլ ոչ թե Հունգարիայի ազգային շահերի համատեքստում»,- ասել էր Պեսկովը։
Երեկ՝ հուլիսի 5-ին, Վիկտոր Օրբանը ժամանել էր Մոսկվա՝ Պուտինի հետ բանակցությունների։
Վիկտոր Օրբանը ժամանել է Մոսկվա՝ Պուտինի հետ բանակցությունների
Պաշտոնական Կիևն արձագանքել էր Օրբանի Մոսկվա այցին՝ նշելով, որ Մոսկվա գնալու որոշումը կայացվել է «առանց Ուկրաինայի համաձայնության կամ համաձայնեցման»։
Ապա ԶԼՄ-ներով տեղեկություն տարածվեց, որ ԵՄ-ում անհանգստացած են Վիկտոր Օրբանի՝ Մոսկվա այցելելու ծրագրերից։
ԵՄ-ում անհանգստացած են Վիկտոր Օրբանի՝ Մոսկվա այցելելու ծրագրերից
Ավելի վաղ Բունդեսթագը Օրբանի այցը Ռուսաստան «սկանդալ» էր անվանել։
