14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Վիկտոր Օրբանը ժամանել է Մոսկվա՝ Պուտինի հետ բանակցությունների
Քաղաքականություն
05.07.2024 | 14:46
Հունգարիայի վարչապետ Վիկտոր Օրբանը ժամանել է Ռուսաստան։ Այս մասին հայտնել է վարչապետի մամուլի քարտուղարը, գրում է BBC-ի ռուսական ծառայությունը։
Օրբանի ինքնաթիռը վայրէջք է կատարել Մոսկվայի «Վնուկովո» օդանավակայանում։
Վիկտոր Օրբանի՝ Մոսկվա հնարավոր այցի մասին ավելի վաղ հայտնել էին միջազգային լրատվամիջոցները՝ վկայակոչելով իրենց աղբյուրներին։ Նշվում է, որ նա հանդիպելու է ՌԴ նախագահ Վլադիմիր Պուտինին։
Բրյուսելը մտահոգություն է հայտնել Հունգարիայի վարչապետի մոսկովյան այցի կապակցությամբ։
«Ռոտացիայի սկզբունքով ԵՄ Խորհրդի նախագահությունը ստանձնելը ԵՄ-ի անունից Ռուսաստանի հետ երկխոսություն վարելու լիազորություն չի տալիս»,- X-ում գրել է Եվրոպական խորհրդի ղեկավար Շառլ Միշելը՝ հիշեցնելով, որ ԵՄ Նախարարների խորհուրդը հստակ դիրքորոշում ունի Ուկրաինայի դեմ ռուսական ագրեսիայի վերաբերյալ, ըստ որի՝ «Ռուսաստանն ագրեսոր է, Ուկրաինան՝ տուժող»:
Ավելի վաղ Օրբանն այցելել էր Կիև և Ուկրաինայի նախագահ Վլադիմիր Զելենսկիին կոչ արել ժամանակավոր հրադադար հաստատել Ռուսաստանի հետ՝ խաղաղ բանակցություններ սկսելու համար։ Զելենսկին հրաժարվել էր։
