23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ԵՄ-ում անհանգստացած են Վիկտոր Օրբանի՝ Մոսկվա այցելելու ծրագրերից
Քաղաքականություն
05.07.2024 | 14:09
Բրյուսելն անհանգստացած է Հունգարիայի վարչապետ Վիկտոր Օրբանի՝ Մոսկվա այցելելու ծրագրերից, գրում է DW-ի ռուսական ծառայությունը։
«Ռոտացիայի սկզբունքով ԵՄ Խորհրդի նախագահությունը ստանձնելը ԵՄ-ի անունից Ռուսաստանի հետ երկխոսություն վարելու լիազորություն չի տալիս»,- X-ում գրել է Եվրոպական խորհրդի ղեկավար Շառլ Միշելը։
Հունգարիան ԵՄ Խորհրդի նախագահությունը ստանձնել է հուլիսի 1-ին։
Միշելը հիշեցրել է, որ ԵՄ Նախարարների խորհուրդը հստակ դիրքորոշում ունի Ուկրաինայի դեմ ռուսական ագրեսիայի վերաբերյալ։
«Ռուսաստանն ագրեսոր է, Ուկրաինան՝ տուժող»,- գրել է նա:
Իր հերթին, Լեհաստանի վարչապետ Դոնալդ Տուսկը X-ում գրել է. «Մոսկվա Ձեր այցի մասին լուրերը չեն կարող իրականություն լինել, վարչապետ Վիկտոր Օրբան։ Թե՞ դա ճիշտ է»:
Այն մասին, Հունգարիայի վարչապետը մտադիր է Ռուսաստան այցելել Վլադիմիր Զելենսկիի հետ Կիևում հանդիպումից ընդամենը մի քանի օր անց, հայտնել են VSquare-ի լրագրող Շաբոլչ Պանին և Ազատություն ռադիոկայանի հունգարական ծառայությունը՝ հղում անելով անանուն աղբյուրներին։
Ըստ նրանց՝ Մոսկվա այցի ընթացքում Օրբանին ուղեկցելու է Հունգարիայի արտաքին գործերի նախարար Պետեր Սիյարտոն։
Կիև կատարած այցի ժամանակ Վիկտոր Օրբանն Ուկրաինայի նախագահ Վլադիմիր Զելենսկիին կոչ էր արել ժամանակավոր հրադադար հաստատել Ռուսաստանի հետ՝ խաղաղ բանակցություններ սկսելու համար։ Զելենսկին հրաժարվել էր։
