09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Պաշտոնական Կիևն արձագանքել է Օրբանի Մոսկվա այցին
Քաղաքականություն
05.07.2024 | 18:12
Հունգարիայի վարչապետ Վիկտոր Օրբանի՝ Մոսկվա գնալու որոշումը կայացվել է «առանց Ուկրաինայի համաձայնության կամ համաձայնեցման»։ Այս մասին ասվում է Ուկրաինայի ԱԳ նախարարության տարածած հաղորդագրության մեջ։
«Հիշեցնում ենք, որ մեր երկրի համար «Ուկրաինայի վերաբերյալ առանց Ուկրաինայի համաձայնագրեր չկան» սկզբունքը մնում է անխախտ, և կոչ ենք անում բոլոր երկրներին խստորեն պահպանել այն։ Արդար խաղաղությունը վերականգնելու միակ իրատեսական ճանապարհը մնում է Խաղաղության բանաձևը։ Ինչպես վկայում է Շվեյցարիայում առաջին գլոբալ խաղաղության գագաթնաժողովը, որին մասնակցում էր նաև Հունգարիան, հարյուրից ավելի պետություններ և միջազգային կազմակերպություններ կիսում են խաղաղության տեսլականը՝ հիմնված Ուկրաինայի տարածքային ամբողջականության և ՄԱԿ-ի կանոնադրության հարգման վրա: Խաղաղության գագաթնաժողովի ձևաչափն առանցքային հարթակ է արդար խաղաղությունը վերականգնելու ուղիներ գտնելու համար»,- ասվում է հայտարարության մեջ։
Նշվում է, որ Հունգարիայի վարչապետի՝ Կիև կատարած այցից հետո Ուկրաինան կառուցողական է տրամադրված երկկողմ համագործակցության զարգացման և եվրաինտեգրման ուղղությամբ հետագա աշխատանքի հարցում։
Նշենք, որ Օրբանն այսօր ժամանել է Մոսկվա, որտեղ բանակցություններ է անցկացրել ՌԴ նախագահ Վլադիմիր Պուտինի հետ։
