Ադրբեջանի ՊՆ ղեկավարը հայտարարել է, թե Բաքուն չէր ցանկանա «Հայաստանի ռազմականացում տեսնել»

Լուրեր

21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
Բոլորը

Ադրբեջանի պաշտպանության նախարար Զաքիր Հասանովը երկրի ԶՈւ-ի օրվան ընդառաջ պետական AZERTAC գործակալությանն ու AzTV հեռուստաալիքին տված հարցազրույցում անդրադարձել է նաև տարբեր երկրների հետ Հայաստանի ռազմատեխնիկական համագործակցությանը ու ժամանակակից սպառազինության ձեռքբերմանը։

«Մենք հետևում ենք հարևան երկրներում տեղի ունեցող բոլոր գործընթացներին։ Մեզ հետաքրքրում է նրանց զինված ուժերի զարգացումը։ Բնականաբար, մենք ուրախանում ենք բարեկամ պետությունների հաջողություններով, ավելի խորն ենք ուսումնասիրում նրանց, ում հետ խնդիրներ ունենք։ Մենք խորապես ուսումնասիրում ենք յուրաքանչյուր զենք, դրա հնարավորությունները, ինչ խնդիրներ կարող են առաջանալ մեզ համար։ Հաշվի ենք առնում այս ամենը։ Նախագահ Ալիևը բացահայտ ասել է, որ եթե տեսնենք Ադրբեջանին սպառնացող վտանգ, պատասխան քայլեր կձեռնարկենք։ Նա բազմիցս ասել է, որ ոչ միայն Հայաստանը, այլև ոչ մի պետություն չի կարող սպառնալ Ադրբեջանին, չի կարող Ադրբեջանի հետ խոսել սպառնալիքների լեզվով։ Իհարկե, մենք չէինք ցանկանա տեսնել Հայաստանի ռազմականացում։ Երեսուն տարի մենք հետևել ենք նրանց գործողություններին։ Ուստի, մենք մեր միջոցներն ենք ձեռնարկում»,- հայտարարել է Հասանովը։

Նա նշել է, թե որոշ խոշոր պետություններ իրենց շահերն ունեն Կովկասում, և ցանկանում են իրենց մեծ շահերն իրականացնել այստեղ ապրող ժողովուրդների միջոցով։

«Մենք չպետք է թույլ տանք, որ դա տեղի ունենա, որ այստեղ լարվածություն ստեղծեն։ Այստեղ ժողովուրդները տարիներ շարունակ ապրել են լարվածության մթնոլորտում։ Պետք է փորձել ապահովել, որ խաղաղություն լինի, առաջընթաց լինի, և Կովկասի բոլոր ժողովուրդներն ապրեն բարեկեցության մեջ»,- ասել է ադրբեջանցի պաշտոնյան։

Հասանովը նաև հայտարարել է, որ Թուրքիայի հետ ակտիվ ռազմական համագործակցությունը շարունակվելու է, և ըստ Շուշիի հռչակագրի՝ Բաքուն և Անկարան դաշնակիցներ են։

«Երկու բանակների ինտեգրումը բարձր մակարդակի վրա է ոչ միայն կրթության և վերապատրաստման, այլ բոլոր ոլորտներում: Նույնիսկ մեր կառավարման կետերը կապված են միմյանց հետ։ Շուտով, նախագահի ընդունած որոշման հիման վրա, Ադրբեջանում կկազմակերպվի նաև ամենաժամանակակից սպառազինության և տեխնիկայի կամ դրանց մասերի արտադրություն։ Վերջին տարիներին Թուրքիայի ռազմական արդյունաբերությունը մեծ զարգացում է ապրել։ Բնականաբար, Ադրբեջանը նույնպես օգտվում է դրանից։ Ցավոք, ամբողջ աշխարհը զինվում է։ Մենք ունենք հնարավորություն՝ բավարարելու սեփական պահանջարկը առնվազն 70 տոկոսով։ Հիմա խնդիր ենք դրել մեզ ապահովել արկերով ու հրթիռներով։ Մենք կօգտագործենք եղբայրական Թուրքիայի հնարավորությունները և համատեղ արտադրություն կիրականացնենք»,-հայտարարել է Զաքիր Հասանովը։

Էմմա Չոբանյան