14.04.2026 | 19:40
Գոհար Ղումաշյանի նկատմամբ տնային կալանք կիրառելու միջնորդություն է ներկայացվել․ ՀԿԿ
Տրաքած կրթական համակարգի, ինֆորմացիոն պղպղջակների և հաղթած պոպուլիզմի մասին. ապաքաղաքական զրույց Սամվել Մարտիրոսյանի հետ. ՏԵՍԱՆՅՈՒԹ
Հաղորդաշարեր
24.03.2024 | 21:00
Factor TV-ի A-politic հաղորդաշարի հյուրն է մեդիափորձագետ Սամվել Մարտիրոսյանը: Նրա կարծքով՝ մարդիկ Հայաստանում հեշտ են տրվում համացանցային խարդախություններին երեք պատճառներով. 1․ համացանցը մեզանում ուշ է զարգացել, մինչև 2010 թվականը մեր երկրում «ԱրմենՏել»-ի մենաշնորհ էր, 2․ կրթական համակարգը չի պատրաստում մեդիագրագետ, քննադատական մտածողություն ունեցող մարդկանց, 3․ ավագ սերունդը չի փոխանցում երիտասարդներին այդ ոլորտի հետ կապված գիտելիքները:
Ըստ մեդիափորձագետի՝ թեև գոյություն ունեն «ինֆորմացիոն պղպջակներ», որտեղ մարդիկ մտնում են՝ իրենց սահմանազատելով մնացած, այլ ձևով մտածող խմբերից, կան նաև երկու մեծ «պղպջակներ», որոնցում տեղավորվում են, մասնավորապես, ԱՄՆ-ի, պայմանականորեն ասած, «ազատականները» և «պահպանողականները»: Մոտակա տասնամյակները, Սամվել Մարտիրոսյանի կարծիքով, անցնելու են այդ երկու մեծ «պղպջակների» հակամարտության նշանաբանի ներքո:
Խոսելով լրագրության ապագայի մասին՝ մեդիափորձագետը կարծիք է հայտնում, որ միջին մակարդակի լրագրողական տեքստեր ChatGPT-ն հիմա էլ է կարողանում գրել, և մարդու գործառույթը, ըստ նրա, հետագայում կլինի փաստերի ստուգումը:
Հաղորդման հյուրը վտանգը տեսնում է նրանում, որ ծրագրերը կսկսեն նոր տեքստեր գեներացնել՝ այլ ծրագրերի գրած տեքստերը, և այդպիսով լճացում տեղի կունենա:
Մանրամասները՝ տեսանյութում:
Արամ Աբրահամյան
