01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ինչ է քննարկել Փաշինյանն ԱԺ-ում պատգամավորների, նախարարների և ՔՊԿ վարչության հետ
Քաղաքականություն
01.03.2024 | 22:55
Նիկոլ Փաշինյանն այսօր լայն կազմով հանդիպում է ունեցել Ազգային Ժողովում։ Փակ քննարկմանը ներկա են եղել ոչ միայն ՔՊ խմբակցության պատգամավորները, այլ նաև նախարարներ, անվտանգության խորհրդի քարտուղարը ու կուսակցության վարչության անդամները։ Ներկա է եղել նաև Սասուն Միքայելյանը՝ որպես ՔՊԿ վարչության անդամ։ Factor.am-ին վարչապետի հետ հանդիպումից որոշակի մանրամասներ են հայտնի դարձել։
Մեր աղբյուրի փոխանցմամբ՝ օրակարգում եղել են ՀՀ-ի կողմից Եվրամիության անդամի թեկնածու դառնալու գործընթաց սկսելուն առնչվող հարցեր։ Նիկոլ Փաշինյանը ծանոթացել է այս թեմայի շուրջ պատգամավորների դիրքորոշումներին։
Նշենք, որ սա այս օրակարգով արդեն երկրորդ հանդիպումն է։
ԱԺ նախագահ Ալեն Սիմոնյանն այս շաբաթ էր խորհրդարանում լրագրողների հետ զրույցում հայտարարել, որ Հայաստանը պատրաստ է Եվրամիության անդամության թեկնածու դառնալ ու շարժվել այն ուղղությամբ, որը Հայաստանի համար կապահովի առավելագույն անվտանգություն։
Նիկոլ Փաշինյանը հրապարակավ այս մասին երբեք ուղիղ չի հայտարարել, միայն նշել է, որ ՀՀ-ն պատրաստ է ԵՄ-ին մոտ լինել այնքան, որքանով Եվրոպական միությունը դա հնարավոր կհամարի։
Նարեկ Կիրակոսյան
