06.10.2026 | 17:54
Վահագն Խաչատուրյանն ու Գերմանիայի դեսպանը քննարկել են երկկողմ հարաբերությունների զարգացումը
00 ՕՕ 000 պետհամարանիշը դեռևս չի վաճառվել. ՆԳՆ-ն հերքում է տարածվող լուրերը
26.02.2024 | 10:04
Տարածվող լուրերը, թե 00 OO 000 հաշվառման համարանիշը ձեռք է բերվել 121 մլն դրամով կամ 300.000 դոլարով, իրականությանը չեն համապատասխանում: Այս մասին առավոտյան ֆեյսբուքյան գրառմամբ հայտնել է ՆԳՆ մամուլի խոսնակ Նարեկ Սարգսյանը։ Ըստ Սարգսյանի` էլեկտրոնային աճուրդն ընթացքի մեջ է, որը կավարտվի փետրվարի 28-ին:
Նշենք, որ երեկ երեկոյան «Վարորդի ընկեր» ՀԿ-ի ֆեյսբուքյան էջն էր տարածել, թե 300 հազար դոլարով վաճառվել է ամբողջությամբ զրոններով` 00 ՕՕ 000 պետհամարանիշը։
Հիշեցնենք, որ էլեկտրոնային աճուրդում ամենամեծ մրցակցությունը հենց ամբողջությամբ զրոներով՝ 00 ՕՕ 000 պետհամարանիշի համար է, որի սկզբնական գինը 20 միլիոն դրամ է (50 հազար դոլար): 98 անձ է գրանցվել այդ համարանիշը ձեռք բերելու համար։
Ամբողջությամբ զրոներով «գոլդ» պետհամարանիշերի ձեռքբերման համար ընդհանուր ներկայացված է 610 հայտ: Մեկնարկային գները տատանվում են 10-20 մլն դրամի սահմանում։ Աճուրդի մասնակցության պայմաններից է արժեքի 5 տոկոսի կանխավճարը:
Անի Թամրազյան
