19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
1991 թվականի հանրաքվեի ժամանակ մարդիկ մատաղ էին անում. ապաքաղաքական զրույց Խոսրով Հարությունյանի հետ. ՏԵՍԱՆՅՈՒԹ
Հաղորդաշարեր
28.01.2024 | 21:02
Factor TV-ի A-politic հաղորդաշարի հյուրն է պետական և քաղաքական գործիչ Խոսրով Հարությունյանը: Նրա կարծիքով՝ պետությունները կազմավորվում են այն դեպքերում, երբ ժողովուրդները ցանկություն ու հնարավորություն ունեն ինքնուրույն կառուցելու իրենց կյանքը, տնօրինելու իրենց ապագան:
Հաղորդման հյուրը հիշում է այն ոգևորության մթնոլորտը, որը տիրում էր 1991 թվականի անկախության հանրաքվեի ժամանակ: Դրան, սակայն, հաջորդել է հիասթափությունը, այդ թվում՝ պետականության գաղափարից:
2001 թվականին Խոսրով Հարությունյանը Հայաստանում քրիստոնեությունը որպես պետական կրոն հռչակման 1700-ամյակի տոնակատարությունների հիմնական կազմակերպիչներից էր: Արդյո՞ք այդ միջոցառումները նպաստել են մեր պետությունում քրիստոնեական արժեքների արմատավորմանը կամ պահպանմանը: Պատասխանելով այս հարցին՝ հաղորդման հյուրը նշում է, որ տոնախմբությունների նպատակն էր Հայաստանն աշխարհում ավելի ճանաչելի դարձնել՝ որպես քրիստոնեական մշակույթը կրող հինավուրց քաղաքակրթություններից մեկը:
Ո՞րն է պատճառը, որ քրիստոնյա-ժողովրդավարական նախագիծը Հայաստանում հաջողություն չի ունեցել: Ըստ Խոսրով Հարությունյանի՝ պատճառները բազմաթիվ են, բայց գլխավորն այն է, որ քաղաքական համակարգը Հայաստանում չի կայացել, և կուսակցությունները հանդես չեն գալիս որպես գաղափարական միավորներ: Այդ պարագայում որևէ գաղափարախոսություն, այդ թվում՝ քրիստոնյա-ժողովրդավարականը, չի կարող որոշիչ լինել պետության համար:
Մանրամասները՝ տեսանյութում:
Արամ Աբրահամյան
